Popular Bible Verses from Odeyi 2

શેર કરો

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Kẹnẹ, dị ẹ vana aa wụ́ ịsa ịrẹyị, ọ mẹ̀ hụrẹ ẹbẹẹba ee chíi vẹ nị. Aa sụ́ ịrẹyị, ahị ọbanyị òo rere aa tụ́ kuku-kuku avọọ, dị ọ dọ avaba irehi ịzị ẹnịnị hi nị. Di e re ịsa ana yà anka ịrarẹ ịra avọọ, dị ọ gà, dị ọnyọọnya na yà ịrẹsụ ọzịnya-ọzịnya nị. Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ. Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Avaba ẹnị ana dọ wụ́ vị ana vabẹ, di e re dudu aa gà ịsị ẹ̀ẹ nyị nị. Ệ ná ịsị ẹ nyị ọnịrị ogu ẹnịnị, dị ẹ gà ẹkẹhị anị, anka ị́sa mẹmẹ aa rị ọzọza ụya nị.

Ịnị ụmẹ ọnọọ, ọza tụra ọza ana àa hị́ Ohomorihi Ananyị yị, ọ vaa dọ ọ há.”

Ọyị vee hozi, dị ụhwẹ ee ví anka anya avọọ, dị ẹkụhị ọnọọ ò ve tù oni Ohomorihi Ananyị yị vaa sị vaa mẹ̀ ịsa ọbanyị ọnị ọza vee re.