Popular Bible Verses from ᕈᒪᓇ 2

શેર કરો

ᒋᔾ ᒪᒃ ᐎ, ᓂᐎᒐᐛᑭᓐ, ᒋ ᐃᑐᑕᓐ ᐅᔭ ᒐᒂᔪᐛ ᑕᓐ ᐊᓂᔭᔪᐛ ᐊ ᐃᓯ ᑎᐸᔅᑯᓂᑥᐤ ᑯᑎᑭᒡ ᐊ ᐃᑐᑕᒡ᙮ ᒋᑦ ᐃᑕᔨᑕᓐ ᐊ ᒐ ᒥᔭᔅᑭᒧᑦ ᒋᓴᒪᓂᑐᐤ ᐅᑎᐸᔅᑯᓂᒐᐅᓐ ᐅ ᐊ ᐃᑎᔨᓐ ? ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮

ᐊᐅᒄ ᒪᒃ ᐅ ᐛᒋ ᐊᑲ ᓇᔅᒡ ᐃᓯᓇᒂᒡ ᒐᒋ ᑎᐸᔅᑯᓂᑦ ᐊᐛᓐ᙮ ᐛᔅ ᒧᔭᒻ ᐊ ᑎᐸᔅᑯᓂᑥᐤ ᐊᐛᓐᒋ, ᒋᔾ ᒪᒃ ᐊ ᐃᑐᑎᒧᐅᓇ ᐊᓂᔭ ᑲ ᐃᓯ ᑎᐸᔅᑯᓂᑥᐤ, ᒋᔾ ᑎᐱᔨᐛ ᒋ ᓂᓱᐅᓇᒋᒥᓱᓐ᙮

ᐛᔅ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒋᓴᒪᓂᑐᐤ᙮

ᐛᔅ ᑕᐸ ᐊᓐᑕ ᐊ ᐸᑕᐧᒃ ᐊᐛᓐ ᒧᓱᓴ ᐅᐎᓱᐛᐅᓂᔪᐤ ᒋᑭ ᐅᒋ ᑯᐃᔅᑯᓇᑯᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ ᐊᑯᑕ ᒐ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᐛᔅ ᒥᓯᐛ ᐊᐛᔪᐛ ᐊᓂᔭ ᑕᓐ ᑲ ᐊᐃᑎᔨᒋ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᔅᑯᓇᑦ᙮

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

ᐊᓐ ᒪᒃ ᐊ ᐃᔅᐱᔅ ᓱᒐᔨᒧᐎᓐ ᒥᒄ ᒋ ᐃᑐᑕᓐ ᐊᑐᐎᔅ ᐊᒂᒡ ᒐᒋ ᐃᓯ ᑎᐸᔅᑯᓂᔅᒃ ᒋᓴᒪᓂᑐᐤ ᐊᓂᔭ ᐊ ᒋᓯᑲᔨᒡ ᑕᓐᑕ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓇᑦ ᐊᓂᔭᔪᐛ ᑲ ᒥᒋᑐᑎᒥᔨᒋ᙮