Popular Bible Verses from MATTHAI 26

શેર કરો

Suek-halhna na taa thaina ham hak u lang thangthui uh. Thinkaw lawngtah a ngaih de pumsa tah a tha yoek sut” a tina.

Tecoengah ahimi nala “Ka kaw a the uett ah ka duek kaw la hut. He ah awm u lang n'hak puei’ u lah,” a tina.

Jesuh lawng ahimi oen athla betna huen la cet, dilai ah buekuep tih “A Pa, acoengg thai atah he kah patang khangna boengloeng he van khoe mai hawn! Tede kai kah kawngaih angla awm boel selang nang kah kawngaih angla awm hawn seh,” tila thangthui.

“He tah ka thi ni. Pathen kah awlkhueh thaai acakna oen thlaang boeih kah thawlh khawdawp ngaaina hamla ka hok ka thisen ni.

Buh a caak u lii vengah Jesuh lawng takawi pheel at te a lawh tih a thangthui coengah takawi te a eh tih a hubang hue te a peek. “He tah ka pum ni; lo u langtah ca uh,” a tina.

Tecoengah boengloeng te a lawh tih Pathen teng awmngaih ciil a thui coengah a hubang hue te a peek. “Nangmi boeih lawng aw uh,” a tina.

Tecoengah a hubang pathum tengla ava mel vengah ahimi a ih muelh u te a huh tih Piter tengah, “Metila nangmi pathum hue he khawnoek pakhat khui maikhaw na hak u thai nawh aw?

Atak tang kavan thui u: A Pa Ram ah nangmi oen haih misurtui a thaai awkk ham khawhin a pha thlantoe tahe kalawng misurtui he ka aw koep tlaih manawh,” a tina.

Jesuh lawng, “Aai a khawk thlan vengah voeithum toe kan ming nawh nan tina ai,” a tina awl te Peter lawng a poek lot vengah adaubenla te cet, a kawsi la dung tih rap.

Tho uh, Cet u poen sih. Bueh lah, ka sawah paipi aka thleep thlaang te avan pha poen he,” a tina.

Jesuh lawng, “Na samsen te tiingim khuila sang koep. Samsen aka hawna tah samsen oen duek van ai.