Popular Bible Verses from Ala Kalɔ Buse 50

શેર કરો

Ɔsika bɛ́kali bɛnii bɛɛbla-mi likpidi, nsu Unwoti Katɔti ɔ́ya na lɛbuni nálɛ lɛ́si-nwu kemmo kalɛ na ɔbla nwuna kabla kani bɛɛnu ɔƒɛni. Na ɔƒɔ bekyuli pii ngba.

Nsu Yoseƒ ɔ́su-ma ɔnini, “Bitayia, ɔɔɔdi ami ndi Unwoti Katɔti.

Anwuɔsu ni, bitayia. Ndubute amii ku bina bebi ƒui ala ani na bɛdubɔwia.” Na ɔ́sɔ úse-ma kayi na ɔ́tɛmiku-ma na lɛƒɔndia kemmo.

‘Ƒula banwani ekpidi ani ƒui na bábla-a ku ulikplu ni, ti-nya ƒui kyiɛ-ma.’ Anwuɔsu buuvele-ɔ geen ka ƒula bati ƒui Unwoti Katɔti kabla bablane bamɛni ni, ti bana ekpidi kyiɛ-ma.” Ka kenye kamɛni kébedu Yoseƒ ni, úwulo geen.

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Na Yoseƒ ɔ́ya na Israel bebi bákpali Katɔti bése kenye, na ɔ́su-ma ɔnini, “Ngyi geen ka Unwoti Katɔti ɔdubo ubebunku-mii. Na ɔdi ka biti mina ekubi bɛtɔlɔku mɛni.”

Yoseƒ úkpi na lɛkwa eti anyɔ ku leevudi kemmo. Na ka báklibi nwuna ukpine ɔmmɔ báwɔlɔ ku ala awɛɛdi ƒɛƒɛɛ ni, bákya-nwu adaka kemmo na Egyipte mmɔ.