Popular Bible Verses from Ala Kalɔ Buse 28

શેર કરો

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.

Ka Yakob ɔ́gyinya ni, ɔ́su ɔnini, “Sɔsɔ na ɔdi ka Unwoti Katɔti ɔkya mɛni na ami ńtati.”

Amu na Yakob ɔ́kpali Unwoti Katɔti lɛnyi na úse kenye ɔnini, “Lieku-mi, na asia-mi anu na ulu busie bɔmɛni kemmo, na ete-mi adila ku adala. Na si lɛ́sɔ línwini líbo mina ɔti kaduli buɛɛ ni, ndubɔti ka awɔ ndi mina Unwoti Katɔti sɔsɔ. Na lɛtabi lɛni na lɛ́lɛ mɛni ni, lɛdubunye aani ƒula ɔtɔ kalɛ. Na ala ani ƒui na adubo-mi bute ni, ndubuti lɛkpa leevudi lite-ɔ.”

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Na ɔ́sia mmɔ lɛnyi ɔnii Betel, na nka ɔma ɔmmɔ na bátaalɔ banii Lus.