Popular Bible Verses from Ala Kalɔ Buse 26

શેર કરો

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ. Na ɔmɛni ɔdubo-nwu kemmo lɛni, ɔsika Abraham ɔ́di mina etemila lɛlɔ, na ɔ́di ɔda ɔni na líbo-nwu lɛlɔ, na ɔ́bla mina lɛƒɔyɔ ku ala ani na lɛ́su-nwu ƒui lɛlɔ.”

Ɔmmɔ kama ni, ɔ́sɔ ɔ́tɔlɔ mmɔ lɛnɔ úsie útéku libiɔ bamba. Na ɔdi ɔ́sɔ útakya-nwu kadɔ kadi. Na ɔ́sia-ni lɛnyi ɔnii Rehobot iye Kuƒi Kɔtɛ. Na údie-nwu kalɔ ɔnini, “Ɔƒɛni amu Unwoti Katɔti úte-bu keliekɔ, na bɔdubɔlɛ lili na kalɔ kamɛni kemmo.”

Katɔti údie lɛlɔ ɔ́tina Isak na ɔ́su-nwu ɔnini, “Tatɔlɔ tesie Egyipte kalɔ lɛlɔ. Mmomu sɔ lie kalɔ kani na lɛ́tina-a lɛlɔ.

Na mmɔ ni, Isak ɔ́tu lɛkpabi lɛdi na ɔ́kpali Katɔti úmwi-nwu na mmɔ. Na ɔmmɔ kama ɔ́tu nwuna kevo, na ɔ́ya na nwuna kabla bablane béku libiɔ lɛdi na mmɔ.