“Su Israelƒuɔ na beboku nnɔ bɔni na bédie básiku nnɔ egyii kemmo na buse kede kede ute asogya ɔmmɔ kalɛ na utaada uwi ndi uwi. Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”