Popular Bible Verses from Israelƒuɔ Bɔlɛ 23

શેર કરો

Bɛkpa ami bina Unwoti Katɔti lɛti pɛ, na mina kusɛ kusɛ ɔdubo-mii bɔsiaku na bɛkɛ bɛdi na bɛkɛ bɛni. Na ndubo ɔlɛ biala bɔda budie bina akɔ. Na uleku biala ulénwini udinkɔ na bina akɔ iye ubile kaƒɔ. Na bɛdubo ngba bulie na bɛbi lɛlɔ geen asa na bikpi.

“Bɛnu! Ndubo bɔtala mina ɔtu na ɔgyu ɔtɔ-mii, na anwu ndubo-mii bɔgyumana na ulu lɛlɔ, na uti-mii utéduoku kesii kani lɛ́klibi líse-mii.

Nsu si bínu ɔtu ɔmmɔ litemi na bɛ́di mina ɔda ɔni líbo-mii lɛlɔ ni, ndubo bina bekisine bukpoku bute-mii.

“Na tasiaku bekyuli bumomo kama na atábla likpidi. Na si eedie lɛla lɛdi kenye na litemi katɛkɔ ni, tanu bekyuli bumomo anumi na enwini litemi geen lɛmmɔ. Tanu ɔwabane anumi tatɛ litemi na litemi katɛkɔ.

“Ukyuli ɔdi utegyingya ɔkɔ etemila. Na ɔdi utenye ɔlalane kama utedie kenye utete-nwu ulu ukpidi lɛlɔ.