Na ami Unwoti ndubunye-ɔ kudɔ na lɛtakpɛ lɛni nlɛ Horeb kɔbi lili mmɔ lɛlɔ. Na eti ugyii ɔmmɔ aƒiɛmi lɛtakpɛ lɛmmɔ, na ntu bɔdubɔlɛ bɔsiku-ni kemmo na bekyuli bammɔ bani.” Na Mose ɔ́bla kalɛ kani na Unwoti ɔ́tina-nwu na batɔnkune bammɔ anumi. Anwuɔsu básia kesii kani na ntu bɔmmɔ bɔ́lɛ lɛnyi banii Masa, ɔni kalɔ ndi bɔkɔku taanu ku Meriba ɔni lɛnɔ kalɔ ndi Bɔdɔ, ɔsika mmɔ na Israelƒuɔ bammɔ bádɔ na bákɔku Unwoti bánu na béye banini, “Unwoti ɔkya-bu akɔ ɔƒɛni?”