Popular Bible Verses from Éksondo̱ 9

શેર કરો

Tsi kji̱e̱ bo̱a̱jín tsꞌen an, kjo̱a̱a̱ nga mejénna kokòo̱ ngaꞌniúna, ko̱jo kjo̱a̱a̱ nga mejénna nga ngayeje xotaa̱ kui nangii̱ sku̱i̱e̱na.

Kósꞌe̱ Néná bi̱ katsoó Moisee̱: Tꞌenchíi̱n nda̱ ree̱, kó bo̱a̱ tꞌíi̱n nga nga tsjandièjnú nga kongín niꞌántsjájnúꞌun.

Tsi an xi bo̱a̱ tsꞌén je kamámejénna, jera̱ katsꞌenjée̱ ngayeje xota̱ Ejiptoo̱ nga katsangiyáa̱ ngo chiꞌin xi ꞌniú, kó jera̱ jesón ngayejee̱ katsaki.

án boá xi sa̱ꞌin an nga ngo chiꞌin xi ta̱nisién ꞌniú kꞌuieé ngayeje cho̱ xi ndyi̱ꞌbítji̱e̱. Kó sa̱kó chiꞌii̱n ndi̱je̱e̱, bórroó, cho̱toꞌoyitsꞌeèn, cho̱yojoo̱, ko̱jo cho̱tsa̱nga̱a̱, kó jmíjín xi ka̱maa̱ sa̱ꞌíndikii̱. Ta̱nga cho̱ tji̱e̱é xota̱ Israee̱l jmí ni sa̱ꞌínjo̱jín an, kuíni nga nde ngojín cho̱o̱ xi kju̱i̱e̱són.

ndyiojón kui chi̱bo̱a̱a̱, sa̱ꞌinkixó an ndókoá xí ꞌniú yiꞌi ko̱jo xi ꞌniú é, xi kji̱e̱ ngo ndi̱yà bixó nangi Ejipto̱ ndeskande koó nga kamánda kui ngi̱ndiee̱. Bo̱a̱ tꞌíi̱n nga ngayeje cho̱ xi tjiín ngo ngindie ndiꞌa ngatꞌíndo ko̱jo ngayeje ni xi tjiín ngi̱jin kꞌijñá jàn, ngatꞌa̱ ndókoaá ku̱i̱xo̱nieé ngayeje xota̱ ko̱jo cho̱ xi kꞌuimá ngi̱jinꞌa̱sie̱èn, kó sa̱ꞌínkjiesón xi ki̱a̱jín kꞌuíndo ngindiee̱ ngo ndiꞌa.

Kó kui ndisoo̱ ngo xa̱ xi ꞌniú ndso̱ko̱a̱n ka̱ma, kó nga xtjonjón xota̱ ko̱jo cho̱ tjié xi tjín nangi Ejipto̱, ṉdo xi on kꞌo̱xieé tji̱xin yojoo̱. Kó Moisee̱ ko̱jo Aaroo̱n iskjíbé ndisoo̱, kó kijíkoón nda̱ ree̱. Nga jachó ngindyi̱ko̱n nda̱ ree̱, Moisee̱ iskjíbé kuí ndisoo̱ kó iskjitjón xtji̱e̱e̱n nkꞌa jàn, kó kuí ndisoo̱ xi katsꞌén nga xota̱ Ejiptoo̱ ko̱jo cho̱ tji̱e̱é tsajaá ṉdo xi on tji̱xin yojoo̱. Kó já tjiꞌee̱ nde ngiti̱ jachójín nínga tikón Moisee̱ nga sa̱ꞌínkjién kjo̱a̱tjiꞌee̱ tsi̱ꞌe̱ nga ti̱ bo̱a̱ ti̱ sa̱ꞌín, ngatꞌa̱ ngaskande kui tsajaá ṉdo ngayeje yojoo̱ nga.