Popular Bible Verses from Éksondo̱ 20

શેર કરો

Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú. Ngata̱ ꞌbejínjnú kje̱ꞌe Ne tsi ánjín.

Ngata̱ niꞌándajínjnú a̱sie̱én ngo ne, ko̱jo tsi ngo ni xi bo̱a̱ má kjiꞌi xikoó ni xi síndo nkꞌa jàn, ko̱jo tsi xikoó ni xi síndo tꞌanangii̱, ko̱jo tsi xikoó ni xi síndo nínga ꞌniú na̱nga̱a̱ ndáchíkoón. Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna

Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú kui na̱xi̱ńdá xi an tsjajnúꞌun.

Ngatjaꞌátsjienjnú nga ni̱xtjin xotoo̱, ni̱xtjin ndikón boá, tsi̱ꞌe̱ nga an si̱ꞌandikónna.

Ka̱májín ta̱xkiya si̱ꞌankjiénjnú jaꞌénna, chjiéngá xcha̱ndikónjnú, xi ta̱xkiya sa̱ꞌínkjién, sa̱ꞌinjéñáa̱.

Nga jun ni̱xtjin xi tjoón xomanaa̱, ka̱ma si̱ꞌánjnú ngayeje xá xí mejénjnú si̱ꞌánjnú, ta̱nga ni̱xtjin xotoo̱, ni̱xtjin xi niꞌánkjaꞌyá boá, ni̱xtjin nga an si̱ꞌandikónna. Kui ni̱xtjii̱n ngojín xi chjiéngá sa̱ꞌín ngo xá: ti̱nde jún, ti̱nde ndí xí xi̱ꞌinjnú, ti̱nde ndí xí ínchjínjnú, ti̱nde moso̱jnú, ti̱nde chji̱ni̱e̱ꞌbojnú, ti̱nde cho̱ xi tjínjnú, ti̱nde xota̱ xi xín nangi xi tsꞌénxájo̱jnú nga.

Ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín.

Ngata̱ chꞌójíntsꞌèn ndokjo̱a̱taꞌínjnú ngo xota̱, ti̱nde ngata̱ ꞌbíndisotaꞌínjínjnú.

Ngata̱ niꞌántꞌajínjnúu̱kjo̱a̱ chjo̱ónjnú ko̱jo tsi xi̱ꞌinjnú.

Ngata̱ xota̱jín niꞌánkꞌiénjnú.

Ngata̱ jmí chejé niꞌánjínjnú.