Popular Bible Verses from GÉNESIS 8

શેર કરો

Señor Diostaq sumaq q'apayta chaskispa sonqonpi nirqan: –Manañan runa hawa kay pachata ñakasaqchu, wayna kasqanmantapachan runaq sonqonqa mana allin yuyaykuq, manañan astawan lliw kawsaqta ch'usaqyachisaqchu kunan ruwasqayta hinaqa. Chaywanpas kay pacha kanankamaqa kanqaraqmi tarpuypas, cosechapas, chiripas, q'oñipas, poqoypas, chirawpas, p'unchaypas, tutapas, nispa.

Noetaq Señor Diospaq huk altarta perqaspaña, hap'irqan llapa sacrificana animalmanta, llapa sacrificana phalaq animalmanta, hinaspanmi altarpi ruphachispa sacrificiokunata haywarqan.

Diostaq Noemanta yuyarikurqan, hinallataq arcapi paywan kaq lliw animalkunamantapas, lliw uywakunamantapas. Diosmi kay pachaman wayrachimurqan, hinan unuqa pisiyayta qallarirqan.

Hinan palomaqa payman kutipurqan llanllashaq olivo raphita chhurunanpi achuykusqa. Chaymi Noeqa yacharqan kay pachapi unu ch'akipusqanta.