Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.
“Aka uraqin utjañapkamasti,
yapuchañasa, yapu apthapiñas utjapuniniwa,
junt'usa, thayasa, juyphipachasa, jallupachasa,
urusa, arumasa utjaskakipuniniwa” sasa.