Ní Peetroo bí yii: «Ananiyasi, ba ŋá ní a yāntì Sitaan jíń a-pɔbil poon mpaan míǹ? A mɔ́ntì Unimbɔti Fam ki bātì tikpaatan nimbiliŋ pu. Sii di yì a-kpaatanti, a ŋūǹ kí dū-tì kí yóoń. A nín tí nyáfì-tèe, sii di yì an nimbiliŋ. Kin an ŋá mana ní a yāntì nlandɔkɔkpiti fōō mpaan a-pɔbil poon míǹ? An kaa sá binib ní a mɔ́ntì, an sá Unimbɔti.» Ŋyunti ŋun Ananiyaasi gbìl̄ mimmee, ní u lítì ki kpíì. Tifaandi nìn kɔ́ bin kɔkɔwoooo gbìl̄ an bɔtee.