Warumi 4 માંથી લોકપ્રિય બાઇબલ વચનો

શેર કરો

Iburahimu nkakungiza kajela iḍeyonse kwa hi ahad̯i ya Muungu amuwekeeyo. Ishinu serefano yakwe igija kuwa na nguvu na kamuyaviza shad̯u Muungu, akiwa na uhakika kwamba Muungu ana uwezo wa kuhenda hivi aahid̯iyevyo.

Dza vya matsoro yaneneyevyo yakyamba, Muungu kamwamba Iburahimu, “Nikuhendeza kuwa baba jwa vyeet̯i vinji.” Epfoakiyambijwa haya haya, Iburahimu ewa usoni kwa Muungu na kayahikiza. Huyu ndiye huyu Muungu eyenawafufuya wafu, na hat̯a mambo yasiyodzahendeka akayahwaa dza kwamba yesakuhendeka.

Ḅwana Yesu kayavigwa apate kufwa kwa dzambo ḍya nabvise zehu, na kafufujwa kuyawa kwa wafu ili naswi huweze kuwa wantu wahachi usoni kwa Muungu.

Hi hiḍe ngera, Iburahimu ewa na chima cha myaka gana. Ela nkakufwa mojo, kagija kumuserefat̯a Muungu t̯u hat̯a ingawa edzimanya kwamba kamaawa jarisa ghogho, na mukaziwe ewa ni nd̯at̯a. Muungu epfomuahid̯i Iburahimu kwamba anawa baba jwa vyeet̯i vinji, na kwamba yuvyeejwe junawa yukuu dza hizi nyoha, Iburahimu kamuserefat̯a Muungu, ingawa dzambo dzaḍyo ḍinaonekana kwamba ntaḍiwezi kuhendeka. Na Iburahimu kadzakawa baba jwa vyeet̯i vinji ḍugha.

Ndiyo maana kumuhikiza Muungu ndiḍyo dzambo muhimu. Muungu kaihuwekea hi ahad̯iye ḅure, ndookomu ni ahad̯i iyo na uhakika. Hi hii ahad̯i si ya hawaḍe weo na *Sharia t̯u, ela nza hat̯a hawaḍe wasio na Sharia wamuhikiziyeo Muungu dza Iburahimu. Koro Iburahimu ndiye huyu baba jwa wonse weonamuhikiza Muungu.

Kamba, “Wana tsekea iyodze hawaḍe wa Muungu awayatsiiyeo mazuka yao na kuziwafutia nabvise zao! Wana tsekea iyodze hawaḍe wa Ḅwana asiowat̯alia nabvise zao kawii meshi!”

Koro haya matsoro yamba, “Iburahimu kamuserefat̯a Muungu, nae Muungu kamuhwaa kuwa muntu muhachi.”