Upfenuo wa Yohana 16 માંથી લોકપ્રિય બાઇબલ વચનો

શેર કરો

“T̯asikiani! Mimi nakudza dza mwivi, saa musiyokuwa kuniindiani. Kadzawa na tsekea iyodze, huyuḍe adzeewa matso na avwaiye nguoze t̯ayari ili atsekudzatsumpa vivi aajae!”

Huyu malaika jwa handahu kenda kaikakanya hi ḅaakuli yakwe dzuu ya hi tsana nkuu iyonahanwa Efurati. Iyo saa hi tsana ikuma ḍama gu, kuyahendeza haya mahaju ya nsi za mbo yaweze kuvuka na asikari wao pfasipfo d̯ina.

Hizi mpepfo nzuka ni ruhu ziizo na uwezo wa kuhenda mafara ya kumakisa. Zinayendea mahaju yonse ya lumwengu ili ziyat̯ut̯aise pfamodza na asikari wao kujwana viha na Ḅwana. Ela hiyo hiyo nsiku inawa ndiyo hi nsiku ya Ḅwana Muungu mwenye nguvu zonse ya kujuhukumu lumwengu.

Kisa niona mpepfo nzuka ntahu zikaiyezo dza vyuya. Modza iyawa na humu kanwani mwa hiḍiḍe ḍyoka, ingine iyawa na humuḍe kanwani mwa huyuḍe binensa jwa d̯ura, na ingine iyawa na humuḍe kanwani mwa huyu *nabii jwa nsuwe, yani huyuḍe binensa jwa pfii.

Wantu wabigwa ni dzuwa ḍya mwangango, na wanjia kumukufuruni huyu Muungu eye na mamulaka dzuu ya haya haya mabigo. Ela ntawakupfyehuza mama na wala ntawakumushad̯a Muungu.

D̯ubva malaika jwa d̯ura kenda kaikakanya hi ḅaakuli yakwe lumwenguni. Iyo saa hawaḍe wonse wabigijweo muhuri wa huyuḍe binensa na wakiiyomba hi sanamuye, wapatwa ni kipfupfu cha virango vizuka vizuka.

D̯ubva haya mahaju na asikari wao wat̯ut̯aiswa pfantu pfepfonahanwa Arimagedoni kwa lugha ya Kieburania.