Wakolosai 2 માંથી લોકપ્રિય બાઇબલ વચનો

શેર કરો

D̯ubva, kwa kwamba mumuhikiza Kirist̯o Yesu dza Ḅwana jwenu, ni had̯i mugije kumut̯ii jeje. Gijani kumuhikiza Kirist̯o na muyagije na nguvu haya *Maagu Mema muyayongweezejweyo, nanywi munapata kukuya kuzimuni mwakwe, dza hiviḍe vya muhi wivyonamea mizi na ukakuya. Na ni muwe wantu wa kumuyaviza ḍuḍa Muungu kut̯wa.

Manyani kuyatsa muntu amwaarye na mayongweezo ya makulekule na yasiyo maana, yeyonayawana na mvidhyo ya kiwanaad̯amu na masharia ya huju huju lumwengu, yasiyoyawa kwa Kirist̯o.

Nywinywi mwiiwa dza wantu mufwiyeo kwa dzambo ḍya kuishi maisha ya nabvise na kwa dzambo mwikit̯awaligwa ni t̯amaa zenu nzuka nzuka mwizokuwa nazo. Ela sasa, Muungu kamufufuya kamumpa maisha mapfya pfamodza na Kirist̯o. Jeje kahuyatsia nabvise zehu zonse. Kirist̯o epfopfatsikwa hapfaḍe muhini mwa mpatsa, Muungu kahunwiiya masit̯aki ya nabvise zehu huhendeyezo. Ni dza kwamba hichi chuuwo chorejwecho haya masit̯aki kipfatsikwa muhini mwa mpatsa.

Koro Kirist̯o ana umuungu wonse wiwokuishini kuzimuni mwa mwii wa kiwanaad̯amu. Nanywi hivi muivyo hariani mwa Kirist̯o mukamilika kiruhu. Na Kirist̯o ndiye eye dzuu ya nguvu zonse na mamulaka zonse za lumwengu jwa kiruhu.

D̯ubva namutsemud̯wa ni wantu weonakwamba ni matsowa kuḍya ambu kunwa vyakuḍya aina nsiku, ambu weonakwamba ni matsowa kutsahenda jila aina nsiku za kiḍini. Wala namutsemud̯wa ni wantu weonakwamba ni matsowa kutsahenda jila kula pfa mwezi wipfonakwand̯ama, ambu weonakwamba ni matsowa kutsasoha nsiku ya *Sabato. Haya haya ni masharia yeyowekejwa Wayahud̯i, kuwaimusya d̯ura haya ya Kirist̯o adzeyowahendea. Na kwa dzambo Kirist̯o kamakudza, ntaku haḍya ya kuuḅa haya masharia kawii.