1 Timoteo 1 માંથી લોકપ્રિય બાઇબલ વચનો

શેર કરો

Hu muneno wambiyeo, Kirist̯o Yesu kadza lumwenguni adzeawapfonye wanabvise, ni muneno wa ḍugha wa kwamba wantu wauhikize. Nami mimi mwenye, niiwa ndimi munabvise mukuu jwa mwiso.

Ela kwa hiḍi hiḍi dzambo, Muungu ewa mut̯ei kwangu. Na kanipfonya ili kwamba Kirist̯o Yesu aweze kuwayanga wantu wangine namuna aivyo mwema na mumpowe. Na kwa dzambo ḍya kwamba mimi ndimi niyekuwa munabvise mukuu jwa mwiso, nikaa dza mufaano wa kuyanga kula muntu, kwamba yuḍejwonse adzeyemuhikiza Kirist̯o anapata maisha ya kuunga na yuungo.

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

Huyu Haju eyenat̯awala maishi na kuunga na yuungo, asiyeonekana, na eye Muungu jeje heket̯u, hunamumpa shad̯u na hila maishi na maishi! Amina.

Na ni had̯i huimuke ya kwamba, sharia iḍeyonse iyonawekwa, ntaiwekwe kwa dzambo ḍya wantu wahachi hat̯a. Inawekwa kwa dzambo ḍya wavunza sharia na wahenda mazuka, wasiomumanya Muungu, wanabvise wasiokuwa na ḍini, na weo walumwengu. Na pia, inawekwa kwa dzambo ḍya wantu weonayaga wababa zao na wamama zao, na kwa dzambo ḍya wayaji wangine. Na kawii, hi sharia inawekwa kwa dzambo ḍya wantu waḅari, wantu weonayaana na nyuma, na weonakwiwa wantu, weonanena nsuwe na weonayavya ushaahiḍi wa nsuwe, ambu wantu waḍewonse weonahenda mambo yeyo tsonso na haya mayongweezo ya hachi.