1 Wakorint̯o 3 માંથી લોકપ્રિય બાઇબલ વચનો

શેર કરો

Ntamudzi kwamba nywinywi mu *Hekalu ya Muungu, na kwamba Ruhu jwa Muungu kakuishini kuzimuni mwenu?

Si ya kwamba kuna musinji ungine wa kuwekwa hat̯a, koro Muungu kesakumuweka Yesu Kirist̯o jeje heket̯u akae dza hu musinji.

Huyu muntu jwa kuihodza hi mbeju na huyu jwa kuihiiya madzi ntawa mud̯a hat̯a. Jwa mud̯a ni Muungu, eyenaihendeza hi mbeju imeye.

Koro swiswi hu maḅamu hwiwokumuhumikiani Muungu pfamodza, nanywi ndinywi hi nkonde ya Muungu na mambako ya Muungu.

Na kuwa na maana ambu kutsowa maana kwa kazi ya muntu, vinamanyikana Nsiku ya Kirist̯o adzepfokudza, yadzepfoyangaa tswee. Koro hiyo hiyo Nsiku, hu moho ndiwo udzeoyanga kazi ya kula muntu. Kuwa na maana ambu kutsowa maana kwa kazi ya muntu kunapimwa na hu moho.

Huyu eyenaihodza hi mbeju na huyu eyenaihiiya madzi, wonse lengo ḍyao ni modza, na kula mumodza Muungu anamuipfa mala ya hwekaḍye ayaviyeḍyo.

Muntu natsedzikulakula. Ikiwa kwamba yuḍejwonse kahi yenu kakudzihwaani dza karo jwa huju huju lumwengu, nadzihendeze ḍyura apate kuwa karo jwa ḍugha.