Popular Bible Verses from Lûm 1

Lûm 1:16

Mundani

mnf

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Compare

Lûm 1:16 ખોજ કરો

Lûm 1:17

Mundani

mnf

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Compare

Lûm 1:17 ખોજ કરો

Lûm 1:20

Mundani

mnf

EbuꞋu tea àfɨꞋa Mbɔ̧ɔ̧mà li ngɨ̀ ngɔ̀ŋ la, tàa ngɨ̀à àfɨ̀Ꞌ àgème bòt e yea nê tà wu Mbɔ̧ɔ̧mà, mè ndzea nê mètàŋ tò nàa kà lìà. Bɔ li ngu ko ye nê tàa və ane èghɨ tà ghɨ̀ la. Ale, àghɨa ko bɔ̀ɔ mě nɨ ghɨ̌ te gha àku la a ntsě.

Compare

Lûm 1:20 ખોજ કરો

Lûm 1:21

Mundani

mnf

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

Compare

Lûm 1:21 ખોજ કરો

Lûm 1:25

Mundani

mnf

Mbɔ̧ɔ̧mà li ngɨ̀ anè nkàà nê bɔ waꞋa nkûŋ yu ane Mbɔ̧ɔ̧mà la, ntsiꞋi me kùŋè àghɨa àfɨte. Nko nê bɔ sa a Mbɔ̧ɔ̧mà wu tà ghɨ àghɨ àgème la, ntsiꞋi me kukte èghɨ bu tà ghɨ̀ la, bɔ wu me wùꞋtè wuê a Mbɔ̧ɔ̧mà wu tà wu ane àlia nè àlia la. Àmèn.

Compare

Lûm 1:25 ખોજ કરો

Lûm 1:18

Mundani

mnf

Mbɔ̧ɔ̧mà è tse a ègwet me nyɨꞋte ndɨ yèa ntsòa ane bòt bàgème bɔ tu̧u̧ zə atò, me ghɨ wuê kàbɔ̀ŋ, tè kàbɔ̀ŋ mbɔŋ kele bòt, bɔ̀ ka tsi nko nkûŋ la.

Compare

Lûm 1:18 ખોજ કરો

Lûm 1:26-28

Mundani

mnf

Àyaa a ghɨ̀ Mbɔ̧ɔ̧mà sà àwɔb nè bɔ̀ me ghɨ̀ wuê èbɨꞋte èghɨ bu àa ŋa àtsəa kɔꞋɔ bɔ zì mèntɨ̧ɨ̧ mɔb adù̧ la. Bèzi bɔb e sà mbâ̧tsə ntsìꞋa nɔ̀ŋkà nè bèzi ko. Mbâ̧tsə te me ghɨ̀ wuê a èlɨ̀ mbɔŋ mɨ̧̂, sà bèzi ntsìꞋa nkɨà wuê mbâ̧ tè ko, ngɨ̀à mènəè àtsəa kɔꞋɔ, nɔ̀ŋkà nè mbâ̧ tè ko. Mbɨ̀Ꞌɨ̀ bɔ̀ɔ ngɨ̀à ale la, Mbɔ̧ɔ̧mà me zì àwɔb a èbem ngoꞋ è wu àbȩ̀ àfaꞋa kàbɔ̀ŋ yɔb la. Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

Compare

Lûm 1:26-28 ખોજ કરો

Lûm 1:22-23

Mundani

mnf

Bɔ batè me tseka shua nê bɔ wu bòt èyì, ka mbɔ̂ ntsìꞋi èkèghɨ̧̀. Bɔ sà ènɨ̧ Mbɔ̧ɔ̧mà wu tà wu ane àlia nè àlia la, ntsiꞋi me kukte wuê èghɨ bɔ̀ ghɨ̀ e efəə wɔ̀bȩ̂ nè banyaãbàꞋ, mèè nè banyà̧ bèa ntsèka e a èbem mèleb mè ntsèka aguŋ la.

Compare

Lûm 1:22-23 ખોજ કરો

Popular Bible Verses from Lûm 1શેર કરો

મફત વાંચન યોજનાઓ અને Lûm 1થી સંબંધિત મનન

Popular Bible Verses from Lûm 1