Popular Bible Verses from МатӀай 26

શેર કરો

Уях хьухь, куьн темягьра гьат тавурай лугьуз, дуьа ая, руьгьдиз кӀан хьайитӀани, беден зайиф яз амукьда.

Исади абуруз лагьана: – Зи рикӀ ажалдин тӀалди незва, куьн, инал ксун тавуна, Захъ галаз акъваз.

Са тӀимил анихъ фена, Исади, чинихъди ярх хьана, дуьаяр авуна: – Зи Буба! Мумкин кар ятӀа, и гъам пияла Зав хъваз тамир; ятӀани, Заз кӀандайвал ваъ, Ваз кӀандайвал хьурай.

Им Зи Икьрардин иви я. Ам гзафбурун гунагьрилай гъил къахчун патал авахьда.

Абур тӀуьник квайла, Исади фу къачуна, хийир-дуьа ийиз-ийиз, ам кӀус-кӀус авуна, тилмизриз пайна, лагьана: – Ма, къачу, неъ, им Зи Беден я!

Ахпа Ада сукӀра къачуна, хийир-дуьа авуна, ам абурув вугана, лагьана: – Инай вирида хъухъ.

Элкъвена хтайла, Адаз тилмизар ахварал фенваз акуна. – Квевай са сятда кьванни уяхдиз Захъ галаз акъвазиз хьаначни? – лагьана Ада Петрудиз.

За квез лугьузва хьи, къенин йикъалай эгечӀна За мад чехир – ципицӀрин миже, – хъвадач. ЦӀийи чехир За анжах Зи Бубадин Пачагьлугъда квехъ галаз хъвада.

Петрудин рикӀел Исади лагьай гафар хтана: «КӀекре гьарайдалди вуна Закай пудра кьил къакъудда». Варарай экъечӀна, ам къагьардалди шехьна.

Къарагъ, ша: ангье, Зун маса гудайди мукьва хьанва.

– Жуван тур къакъара хтур, – лагьана Исади, – ни тур хкажайтӀа, гьам турунив рекьида.