Popular Bible Verses from МатӀай 24

શેર કરો

Писвал артух хьуникди, гзафбурун муьгьуьббат рекьида. Эхирдалди эхайди хилас жеда.

Цаварин Пачагьлугъдикай тир Шад Хабар дуьнья тирвал вири халкьарин арада чукӀурда, ахпа эхир алукьда.

Мукьваривай ва я яргъарай дяве физвай ванер къвез хьайитӀа, кичӀе жемир, абур жедай крар я, амма чир хьухь хьи, им гьеле эхир туш.

Халкь халкьдал къарагъда, пачагьлугъни – пачагьлугъдал; чка-чкайра залзалаяр жеда, каш гьатда. Вири им азаб-азиятрин эвел я.

Цавни чил дегиш жеда, амма Зи Гафар дегиш жедач.

Гзафбур, чеб Месигь я лугьуз, чеб Зи ТӀварцӀелай атанвайди я лугьуз, къведа, гьадалди абуру гзаф инсанар алцурарда.

Гьа чӀавуз куьн маса гуда, хурук кутада ва ягъиз рекьида. Зи тилмизар хьуниз килигна, куьн вири халкьариз такӀан жеда. Гзафбуру Захъ иман хъийидач, абуру сада сад маса гуда, садаз сад такӀан жеда. Тапан пайгъамбарар гзаф пайда жеда, абуру гзаф инсанар алцурарда.

Исади жаваб яз лагьана: – Мукъаят хьухь, куьн алцурариз тахьурай!

ГьакӀ хьайила куьнни гьазур яз хьухь: гьич квез хабарни авачиз Инсандин Хва хтана акъатда.

ГьакӀ хьайила уях хьухь, квез куь Ребби хкведай югъ чизвач.

Ам къведай я югъ, я сят садазни чидач, я цавараллай малаикриз, я Хциз. Ам анжах Бубадиз чида.

Тапан месигьарни тапан пайгъамбарар гзаф акъатда. Абуру чӀехи аламатар ва керемат-ишараяр къалурда, алакьайтӀа, гьатта Аллагьди хкянавайбурни кваз алцурариз алахъда.

Нуьгьан девирда гьикӀ хьанатӀа, Инсандин Хва элкъвена хтай девирдани гьакӀ жеда. Нуьгьан девирда яд акьалт тавунмаз ва ам гимидиз гьахь тавунмаз вирибуру незвай, хъвазвай, папар гъизвай, гъуьлуьз физвай, амма дуьньядал яд акьалтна – вири терг хьана. Акьван чӀавалди садазни са затӀни чизвачир. Инсандин Хвани гьа саягъда элкъвена хкведа.