Popular Bible Verses from Khuurakikha 26

શેર કરો

Uli ni khuumenya mu shibala isho nga umuwuyi busa, ni nase samweene kane imbaatsake ni nawe, ikhuwe tsikhabi. Lwekhuuba indyolelesa indakaano yase isi nakhola ni paapa woowo Iburayimu, nga ikhuwa iwe liiswa lino, atweela ni be lisaaye lyoowo boosi.

Kane imbalaayise lisaaye lyoowo, lifwaane busa nga tsinieniesi tsitsibonekhela khwikulu. Naluundi kane ikhuwe liiswa lino lyoosi, ni isi babetsukhulu boowo. Ni babaandu boosi be mu shibala bakhaaweebwe tsikhabi khulweenywe. Bino byoosi bilikholekha biryo, lwekhuuba paapawo Iburayimu aawulila likono lyase, waakhola byoosi khuusiintsiila khu makaambila kaase, ni biilakilo byase.”

Nga waamile abweene awo, waatsya mu shifwo shishiindi, waayaba isebele ikiindi. Ni nayino nayo baakikhaabisanilakho. Yino nayo kila Isaaka akitwiikha lisiina ari Rehobosi (shishimanyisa shiri Shiifwo Shiibalaayi), nga aloma ari, “Aluno Umukasya waakhukholeele ifwe shiifwo shiibalaayi buulayi, nashiryo kane khuyiindile naabi mu shibala shino.”

Umukasya waabonekhela Isaaka, waamulomela ari, “Ukhatsya i Misiri ta, ne uli ni khuumenya mu shibala sheesi kane ikhwookese khuumenyamwo.

Lwanyuma Isaaka woombekha shisheeso abweene awo, weesaaya Umukasya. Aryo woombekha abweene awo lisari lyeewe, babaakaanisi beewe baayaba isebele iye kameetsi.