Popular Bible Verses from She Lukyeendo 3

શેર કરો

Wele waalomela Musa ari, “ISE indi niye uyo uliwo.” Wele weloosela waaloma ari, “Boolela babaandu ba Isiraeli uri, ‘ISE ULIWO niye uwundumile isi muli.’ Lino nilyo liliili lisiina lyase biilo ni biilo, ni musaambo yino niyo isi kimiboolo kyoosi kili ni khukhuushebulilamo ise.”

Wele waamwiilamo ari, “Kane ise imbe ni nawe. Naluundi khano nikho khaakane khabe khaabonelo isi uli, khakhokesanisa khari ise niye ukhurumaane, nga waamalile khuurusa babaandu baase khukhwaama i Misiri, mukhesaayile Wele khu lukiingi luno.”

Kila Wele amulomela ari, “Ukheetsa aambi ano ta, ni waabulemo bilaalo khukhwaama mu bikele byoowo, khulwekhuuba shiifwo sheesi iwe wiimikhelemo, shili shikhosefu.”

Kila Wele aloma ari, “Ise naaboone khuutaambisibwa khweesi babaandu baase, babaali mu Misiri balikho babiramo, naluundi ise naawulile khuulila khwaabwe, khulw'abo babaabakholisa buukulwa. Khulwe khuutaambisibwa khwaabwe, shiisa shaabamaambiile, naluundi ise neekhile aasi khuubamusa, khukhwaama mu meeno ke ba Misiri. Ingana khuubarusa mu shibala isho imbayile mu shibala shishiili shilayi, naluundi shibalaayi, shibala shishiilimo liiloba liilayi naabi, lilyaama biilyo biikali. Kane ise imbawe shibala shishimenyamo babaandu ba Kanani, ba Hiiti, ba Amori, ba Perizi, ba Hiivi ni ba Yebusi.

Nga ali ibweene iyo, Malayika w'Omukasya waamubonekhela mu mulilo nga kwoosha shitsakha. Musa aabona nga kumulilo kuli khu shitsakha, ne nga sishilikho shiya shiweelela ta.

Ari yiitsa, ise intsya khukhurumana iwe isi Faraawo, utsye uruseyo babaandu baase, uruseyo lisaaye lya Isiraeli khuurura i Misiri.”