Popular Bible Verses from Maak 10

શેર કરો

Mi Saalɔbiika an jam ayen ka nuruba a tom a te mu alege ka m tom a te nuruba. M jam ayen m tom a te ka tɛŋka meena demma abe m kpi a tuesi ba a basi.>>

Yeezu yaa nya ba a weeni ayen, <<Ku toa kama nurubiik jigi, alege ku ka moali Wen jigi, dii nyiŋla Wen baga wie meena a nye kama.>>

Yeezu yaa weeni wa ayen, <<Be cheŋ. Fi ale ta siaka ale mu diila a basi kama ate fi ninaŋa a lagri.>> Wa ninaŋa yaa deri lagri ate wa yaa va Yeezu a cheŋ.

Dila nyiŋla baai ate Wen a basi ate ba chim nuru yeŋ la, ku an magsi ayen nuru a poori ba.>>

Yeezu yaa nya wa ate wa jiirim dari wa ate wa weeni wa ayen, <<Wa yeŋ dekki ale tali fi jigi. Cheŋ a ga pai fi ŋantaŋa meena a da a tuesi ligraŋa a te niwomma. Fi dan nye dila alege jam va mi, fi le jigsi wenŋmazuk.>>

Yeezu yaa bek wa ayen, <<Fi a yaali ayen mi nye ka boa a te fu?>> Wa yaa weeni wa ayen, <<Sagrɔ, mi a yaali ayen fi nye kama ate m ninaŋa a lagri a te mu.>>

Alege ku an magsi ayen ku chim dila nama jigiya. Nuru waai a dan a yaali ayen wa chim nama kpagi, ku a fɛ ate wa chim ni meena tomteerɔ.

Wensie ate mi a weeni ni, waai a dan kan tuesi Wen naamu ase biik la wa kan baga a jo bu po.>>

Baai ale dɛ niŋ la yega ale jam wari ŋaaŋ ate baai ale wari ŋaaŋ la jam dɛ niŋ.>>

Alege ku piilimka po ate Wen a nye tɛŋka meena la, <Wa nye ŋanta meena ka jaduok ale jasari, nidoa ale nipok.> (Piilimka 1:27) A yaa weeni ayen, <Ku nala kama ate nidoa a basi wa ko ale wa ma ale ge a ga faari nipok ate ba nɔi bayewa a chim bunyi.> (Piilimka 2:24) Ba ŋman daa nuruba baye, ba yaa ka nuru yeŋ.