Matiu 24 માંથી લોકપ્રિય બાઇબલ વચનો

શેર કરો

Nuruba yegayega ale jam basi chaab yaalika, dii nyiŋla nuruba tuimbaata ale jam waaŋ a tagli jigi meena. Waai a dan pik a ga paari ku nueri ka, Wen ale vari wa a basi.

Nuruba ale jam pai Wen wamaŋsaŋa a sak nuruba Wen naamu wie. Waai meena ale bo tɛŋka zuk la le liŋ wom wa wamaŋsaŋa wieŋa ale ge ate tɛŋka meena a kpeglim.

Ni dan wom kpaliŋsa wie ate si gela a moata ale ge si gela mɛ a bo niŋniŋa, ni kan chali yɔgsummoa. Kula ale sak ni ayen tɛŋka kpeglimka danni a moata kama.

Tɛŋsa ale yiti a ta chaab ate naata mɛ a yiti a ta chaab. Ate kɔm a boro ate tɛŋka choa jigi meena. Wieŋa de meena a nye ase ka nipok lɔgi ale a dom alege ate wa a biak la.

Wenŋmazuk ale tɛŋzuk meena ale jam taam dai yeŋ po, alege mi wieŋa a kan taam diipo diipo.

Nuruba yegayega ale jam pai mi yuenni nyiŋ a wi badek a weeni ayen ba ka Kirisitawa abe ba paasi nuruba yegayega. Ku a fɛ kama ayen nama a kan va ba.

<<Nuruba ale yik ni a ta ni ga nyo baai ale ba basi ate ni nya ninam la nisima po ate ba ko ni. Waai meena ale kisi ni mi vaka nyiŋ. Va ŋala po nuruba yegayega baai ale jam ta siaka ale mi la, ale ŋmani mi ŋaaŋ vaka. Ba le kisi chaab abe ba bobri chaab a sak. Biisiteerɔba yegayega baai ale kan seba Wen la, ale jam paasi nuruba yegayega.

Wa yaa weeni ba ayen, <<Ni kpesi nidek ate waai kan paasi ni.

Diipo ate nama a kan ŋman poli ayen Mi Saalɔbiika ale jam la, dila po ale m cheena. Ka dila ale soa ayen ni gomsi a magsi a limisi la.

<<Ni kpesi nidek abe ni a limisi, dii nyiŋla ni zɛ dai dii danni ate ni Nyɔnɔwa Yeezu Kirisita a cheena la.

<<Nuru waai a zɛ Mi Saalɔbiika ŋman jamka danni. Mi ale Wen maarɔma mɛ dek a zɛ, alege ka m Kowa nyiini ale seba.

Nuruba gela ale jam yiti a paasi nuruba ayen ba ale Kirisitawa. Ba baai mɛ le jam a weeni ayen ba ka Wen biisiteerɔba. Ba le jam a tom wakperikaliisa nna yegayega a yaali ayen ba dan poom baga ba paasi baai ate Wen a lueri ayen ba va wa la.

Mi ŋman jamka ale nye ase ka dii ale jam nye ase ka Nowa daaŋa po la. Ase Nowa ale jam boro a nye wa ŋaaruŋ kpioŋku la, waai meena jam boro a nye ka wadek ale a yaali diila. Ba jam kasim a dɛ ŋandiinta ale a nyu ate nidoaba me a faari nipooba. Ba kasim a nye ka dila a ta ga paari diipo ate Nowa a jo wa ŋaaruŋku po alege ate nyiam a jam la. Ba jam zɛ ayen Wen ale basi ate nyiam jam a sueri tɛŋka meena a gbiti ba ko. Mi Saalɔbiika jamka ale nye ase ka dai dila danni la.