Popular Bible Verses from Matiyò 14

શેર કરો

À hì mô te wù yena fufa chyâlà, fânì kwo wûn, wù yîmì hi sàŋà a jwô, wù bwat jî ha Jisòs na, “bâ, gàmti mu kə mu saŋa!” Kə wu yu, Jisòs nâhè a wô khɨti wûn ki buf ha wun na, “Samhî ya tobte ghə ni? Njwô ghə te wò ye hì kante yi kantî na mu làhi nì, na wò gbi a tô mòlû agha?”

À hì mô te wù yena fufa chyâlà, fânì kwo wûn, wù yîmì hi sàŋà a jwô, wù bwat jî ha Jisòs na, “bâ, gàmti mu kə mu saŋa!”

Kə wu yu, Jisòs jis ha ghɨna na, “Kə ghàn fan. À mò mu. Ghàn kwut təma.”

Bità ki jîs ha wun na, “Bâ, à hì mô kə nâ wò hamok, wò jis na mu gbi a tô mòlû ma mu bê yen wò.” Jisòs jis na wù ben. Bità fwu hì gbê yênà a Jisòs à ngwùŋ kə nâ a tô mòlû.

Jùmtìbàmsu wun se su ndùku mô a ngwùk hì kokhe wûn jyâna, “Hamok wò mò kə nâ Wâ Fùyèn.”

Jisòs fîsì na, “Ghɨna kəta wi hi kolô, nâ ghàn fo shyə ma ghɨna yə.” Jùmtìbàmsu wunsu jis na, “Ghàh kəta kə ban wu tân afân nì yila à bà.”

Jisòs jis na ghɨna fo ha yi, wù ki jîs ha ghɨt ghe na ghɨna ndokte a chyə̂ a tô wù wə̀lâ. Yi bàm yi tɨ̂n, wù fyi ban we wù tân nì yila ghe à bà ki kokhe a nyə̂ fo àyòŋnà ha Yènfù bəkti ban wu tɨnu chîntì fo mwə̀ mù tɨ̂n ha jùmtìbàmsu wunsu na ghɨna jyati ha ghɨta.

Ghɨna yə kwut nâ à jɨ̀m, jùmtìbàmsu wunsu kumti chyàksu ban se su faŋa, su lun kà njwòsù bà.