Popular Bible Verses from Иуан 6

શેર કરો

– ЦӀыфмэ щыӀэныгъэ язытырэ хьалыгъур сэры, – ариӀуагъ Исус. – Садэжь къакӀорэр мэлакӀэ лӀэжьыщтэп, сэркӀэ шӀошъхъуныгъэ зиӀэр егъашӀэми псыфалӀи лӀэжьыщтэп.

Тхьэм ы Псэ ЛъапӀ ары цӀыфхэм мыкӀодыжьын щыӀэныгъэ къязытырэр. Сэ спкъы шъозгъэшхынэу арэп зыфасӀорэр. Ащ ишӀуагъэ къакӀорэп. ГущыӀэхэу къышъосӀуагъэхэм Тхьэм ы Псэ ЛъапӀи мыкӀодыжьын щыӀэныгъи шъуиӀэхэ къашӀы.

Шхынэу кӀодырэм ыуж шъуимыт, шхынэу мыкӀодэу цӀыфмэ мыкӀодыжьын щыӀэныгъэ яӀэ зыгъэхъурэм ыуж шъуит нахь. А шхыныр ары ЦӀыф Лъэпкъым ы Къо къышъуитыщтыр; сыда пӀомэ, Тхьэу Ты лъапӀэм ЦӀыф Лъэпкъым ы Къо зэриштэрэм имыхъур къытырилъхьагъ.

Шъыпкъэ, хэт щыщми Къо лъапӀэр зылъэгъоу, ежьыркӀэ шӀошъхъуныгъэ зиӀэм мыкӀодыжьын щыӀэныгъэ иӀэ зэрэхъущтыр ары ся Тэ зыфаер; ахърэт мафэми а цӀыфыр къэзгъэтэджыжьыщт.

– Тхьэм къыгъэкӀуагъэмкӀэ шӀошъхъуныгъэ шъуиӀэныр ары Тхьэр зыфэе Ӏофыр, – ариӀуагъ Исус ахэмэ.

Ты лъапӀэм къыситырэ цӀыф пстэухэри садэжь къэкӀощтых, хэт щыщми садэжь къакӀорэри ӀузгъэкӀыжьыщтэп.

– Зиусхьан, хэт дэжь тыкӀона, адэ? – къыриӀуагъ Симон Петрэ Исус. – МыкӀодыжьын щыӀэныгъэ тиӀэ зыгъэхъурэ гущыӀэхэр о уиӀэх

ЦӀыфмэ щыӀэныгъэ язытырэ хьалыгъоу уашъом къехыгъэр сэры. А хьалыгъум щыщ зышхырэр егъашӀэми щыӀэщт. Дунаим ицӀыфхэм щыӀэныгъэ яӀэ згъэхъуным пае, хьалыгъоу стыщтыр сэ спкъы ары.

– Ты лъапӀэу сыкъэзгъэкӀуагъэм къысфимыщэмэ, зы цӀыфи садэжь къэкӀон ылъэкӀыщтэп. Садэжь къакӀорэри ахърэт мафэм къэзгъэтэджыжьыщт.

сыда пӀомэ, уашъом къехэу, дунаим ицӀыфмэ щыӀэныгъэ къязытырэр ары Тхьэм ихьалыгъу.

ЦӀыфмэ щыӀэныгъэ язытырэ хьалыгъур сэры.

ЕтӀанэ Исус хьалыгъухэр къыштэхи, Тхьэм щытхъу фишӀи, игъогу рыкӀохэрэм аритыгъ. Ахэми цӀыфхэу щысхэм афагощыгъ, пцэжъыехэми ащыщэу хэти зыфаем фэдиз ратыгъ. ЗызагъэшхэкӀыхэм, Исус игъогу рыкӀохэрэм ариӀуагъ: – Зи хэмыкӀодэжьыным пае, къялыжьыгъэ хьалыгъу такъырхэр шъуугъоижьых.

Стадие тӀокӀырэ тфырэ-щэкӀ фэдиз къуашъор зафым ыуж, псы кӀыӀум тетэу Исус къакӀоу, къуашъом пэгъунэгъу къэхъоу алъэгъугъ. Ар залъэгъум, къэщтагъэх. Ау Исус къариӀуагъ: – Сэры ар, шъумыщын!