ETALEYEHINA 3 માંથી લોકપ્રિય બાઇબલ વચનો

શેર કરો

Imijie! Awotia ni ikat buo ekukuho. Elle itaniŋu obo etuk hoŋ, ette iŋa ekat, ajiŋa adi ni jihonyi, ette iŋiyo ikonyi buo fe inyi eŋiyo ikoŋ.

Amijak ni ehanita hoi. Ibeŋ iyye ilik kuyya inok. Oyyu duo jihoŋ elle ilik iyye kuyya elle inok iyye. Ati ta arahan hoi ihuo ariŋ onno ollullu 'to, onno obeŋ 'to ilik kuyya onok, alo ni imitara iyye addi to hutuk hoŋ.

Eriŋio ni buo fe abahio hia 'daŋ hullo obuor ataji hoŋ. Tania, omunoi ehanio onno oyyu, idehi eyyata hoi.

Amijak ni ehanita hoi iko amutari golon hoi. Ati ihum iyye igottiere ettiyenita hoŋ, buo fe ibeŋ irisa nani. Aŋahi ni jihoi ekat enne ittallik tulo ihianana.

Jio hia, hulle itatturi 'to egoliti huno neyyau ihuo ninyia etatturiere ni, aŋatak adi ni isi itoŋoi iger hoŋ, iseger ilohittok hoŋ, ihuo enne etoŋori ni ihuania iger Monyoŋ, iseger ilohittok honyi.

Ijio iyye jio, ‘Asam ni, owoni erre 'daŋ jihoŋ, obeŋ riŋ aŋaramahi nani.’ Ati ibeŋ iyye imijak eratta hoi, amehino hoi, aŋodo iko eŋaturo hoi.

Ta agottiere hatai efahi hoŋ ono adihan, amijio adi ni itai onno oyyu jio asaa ono ettigemio, onno ottu 'to ifau 'daŋ, ikemiere aati 'daŋ hutta fau.

Eliaha ni attuna. Ogottiere onno oyyu ariŋ ottonohoi, ŋadi obo atulo ottu ihoruna esiorio enne itahutak 'to etattur hoi egoliti huno neyyau.

Tania odiotoi, itagolo ariŋ anna harasa 'to jihoi hobeŋ onitok. Nyio, egonyu ni jio hobeŋ ariŋ enne ihan iyye ihum ittuba to hosiere Hollum hoŋ.