Galasia 5 માંથી લોકપ્રિય બાઇબલ વચનો

શેર કરો

Ati iyaŋuno Oloholio erre ihuo huna: abuaran taji, amuno, nelik taji, adihan, abijon tua, ayiji, awanan iko neruk, anyalami, iko attoŋotio huan. Obeŋi omuk efahita hunne itihi erre ihuo hunia.

Ati ajio ni amanyati ihuo itahutak Oloholio itai, hèhaniete ewahiti huattek hatai.

Elle emanya to Oloholio, ijiara buo fe luŋa inyi ogottiere amanya hohoi.

Hia, hulla arai 'to a hulo Kristo Yesu, anuhani isi ewahiti huattek hosi hunno orrohoji 'to 'daŋ.

Asalai erre hunne ihanio atulo. Oleye isi jio erre ihuo huna: asomon, egigilita hunne iboti, ehanita hunna aŋariji, amojo jio ajiohin, emimuala, emiorok, aŋalafa, ahaini, ajore, aluo, awahan igalihina aati hullomuk, ebibuanya, adaya hirre, arumatio, agarihien huno arumatio iko ehanita hirre somon, buo erre hunnomuk ihuo hunia. Ijiara nani asar itai ihuo ninyia ahosiere jio, obeŋi adi aati hulle ihanie 'to erre hunia iniŋi Olobie Hollum.

Buo jihatai, illarak iko haniyarak hoŋ, iloŋuni nyia itai oŋida ibiaŋata irata apiti. Tania, hèlaha abiaŋan hatai irahan apiti, ara eliet ihaniere ewahiti huattek hatai. Ati, ta abuaran tajia, oluahiete ahuattek.

Nyio, abahasai ewahiti huan tulo iko erre hunna awak Oloholio; buo fe ewahiti huno Oloholio abahasai iko ewahiti huan tulo. Arai asaŋ huna arrihai huna, amiorok. Itihotie isi itai ihaniere erre hunne iwahata itai ihanio.

Nyio, attubani Efahita 'daŋ jio efahi abotie onno ojio 'to jio, “Itabuara ataji hoi jio onyihari hoi ihuo onno obuarari inyi ahuan hoi.”

Hèlaha etadara, kuyya ediefer buo ahaini ihiji hohoi.

Italahu Kristo hohoi! Ebeŋ enyiak irahan apiti! Tania, ogottiette etalahuno hatai! Hènyiahata irahan apiti.