Efeso 4 માંથી લોકપ્રિય બાઇબલ વચનો

શેર કરો

Ati ijiara anyalami iko abijon tajia hatawana ihiji hatai. Idehina epalita waati hullomuk, ihuo enne idehiniere Hollum hunatai to Kristo.

Hèkafatiete ossi, oduloro anyalami, odihuna ettigemita; ta abuaran tajia, hèŋuŋusiati aati hullomuk.

Hèlaha ekenita hunno oŋuoji 'to ofuonni to hutuhe hatai. Ati, ijiara etuhe hatai ikianai erre ayijok hunno oremehini 'to iluak aati jio ewahiti hosi, oŋida bati ekenita hatai hunia iyaŋunie ayiji jio hia hulle itayirie 'to jihatai.

Idehina luŋa amuguta, eloŋojita, ajore, eŋerejita, emimoro iko aliwa ta maji honyi 'daŋ.

Elle iloŋojita iyye, hèlaha ajore hoi iyaru iyye jio eyyau; hèlaha buo fe oloŋ iddorro buo iyye heloŋojita. Hèŋatak Sittan obo ekoi.

Tania, obusana ekotia hunyia imanyatti itai berien; emanyiti hunyia ittarrohoji 'to itai te ewahiti hunno orrohoji, hunyia itisiabari 'to itai. Ijiara luŋa iloiti atajia iko ossi hatai. Irata luŋa awaati aŋejuho, hunyia oyyeuni irari ihuo arrijiori Hollum, ta abisan iko ta alibori anna ara 'to hode.

Iyaŋuno Oloholio Hollum jihatai nelik tajia itoŋori arabotie; tania, okiamata luŋa igottiere etoŋo arabotie ania.

Inyi nyia “Isiarak esiorita jio aati 'daŋ.” Onyimu nyia inyi omuk irari elefahat, buo omuk irari a hekianak Hollum, buo omuk irari a hettittok sayyo Ayijok, buo omuk irari a heyyahak heruhok, buo omuk irari a hettiyanak. Ihan nyia inyi eram ania, ihuhumaniere aati Hollum 'daŋ ihaniere egiama Kristiani, itagoliere eruhok hulla arai 'to aŋacio huan Kristo. Tania, ettubanio adi 'daŋ arabotie jio enoso ono neruk iko ono amijana Lonyi Hollum; ette adi neruk hohoi luŋa ibolori, ette luŋa ifanyan jio ettubit abolori ono Kristo.

Hèlaha luŋa era ihuo aduri; hèlaha eŋatak enyabak itisiabari hohoi te ettiyenita hosi enyobita, hunna arai 'to ihuo asiŋit enne ipipoŋio 'to atagol itua hari. Ati, te ekotia 'daŋ, ijiara luŋa ekiana elahode ta abuaran tajia buo ebobolororo irari ihuo Kristo, alla ara 'to elettok.