Popular Bible Verses from Yo 12

શેર કરો

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Bơngai bu 'mêm kơ akâu sư kơdih, akâu sư 'noh gô hiong. Mă-lei bơngai bu ưh kơ 'mêm kơ akâu sư kơdih ala teh âu, sư 'noh gô arih ling-lang hơdai păng 'Bok Kei-Dei.

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Bơngai bu mơ̆ng nơ̆r Inh bơtho, mă-lei sư ưh kơ lui, bơngai 'noh Inh ưh kơ sek tơlang sư ôh; kơlih kơ Inh jur tơ ala teh âu ưh kơ sĭ wă sek tơlang kon bơngai ôh. Inh jur tơ ala teh âu wă pơklaih kon bơngai yoch.

Mari chĕp minh gŏl đak pơgang 'bâu phu. Pơgang ei đe gĭt tơpă dang minh puăt kilô. Na Mari tuh 'bơ̆t jơ̆ng Yêsu; sư sut jơ̆ng Yêsu hăm sŏk sư kơdih na pơgang ei 'bâu jơ̆p-jang lăm hnam.

Lu sư pĕch iŏk dơng hla gao na năm đih sơng Sư. Lu sư pơma 'bơ̆r re khan: “Hôsana, bơnê kơ 'Bok Kei-Dei. Bơnê kơ Yêsu Pơtao Isơrael truh tơ bơ̆n yua kơ Kră Yang wơh.”

Na Yêsu pơma hloi gah tơdrong Sư wă lôch iung arih thoi âu: “Dang ei trŏ năr 'Bok Kei-Dei wă pơư pơang Inh Kon Bơngai tơpă boih.