Popular Bible Verses from El Apocalipsis 5

શેર કરો

Mit i-ʉugau tu'c namay ʉu, inʉmgau: Mi̱ is̈merecia̱tp is̈pʉcwa'n ayé noc mit is̈awa'tswa'n ayé siete sellujat, ni'c mi̱ is̈ago'jcau mit ʉjtsat is̈juybichingau mit inyipin pa tʉtsʉ̱́nga mit Dios, mit tʉmingap de nu'pʉjʉn grupu de jayajwat, de nu'pʉjʉn cotscapay jatu'c ajwat, de nu'pʉjʉn nʉ'jcopac mit de nu'pʉjʉn na̱s̈.

Mit inʉmgau mʉgʉc: Ayé borreguwáy Jesucristu jeme i-ago'jcaway merecia̱tp iguipʉctsowa'n nu'pʉjʉn poder, mit nu'pʉjʉn riqueza. Je' ijawip nu'pʉjʉn mit ijtʉp nu'pʉjʉn poder. Na-oyninʉ́mga je' mit namʉjninʉ́mga, mit nanʉ́mga ni'c je' oymanac.

Mit is̈yajcau ʉjtsat pa tʉtsʉ̱́nga as̈am rejyat mit as̈am pa̱nijat pa tʉserviá̱tcaja Dios, mit is̈acmanda̱tcáj na̱s̈ni'c.

Mit nu'pʉjʉn iwatway Dios, nu'pʉjʉn jeme itpay tsajpni'c, na̱s̈ni'c, na̱s̈cʉtʉm, lama̱tni'c mit nu'pʉjʉn itpay jem, tʉnmarau iguinʉmga: Na-oyninʉ́mga Dios jeme tsʉ̱napay itrononi'c, mit na-oyninʉ́mga ayé borreguwáy Jesucristu, ni'c je'jat mʉjninʉmijcat mit itcʉjʉp nu'pʉjʉn poder pa nu'pʉjʉn tiempu.

Mit tu'c de ayé na'waywájat tʉs̈najau: —Camjʉywit. E'pnaj, Jesucristu vencia̱tway, mit jinap je' ijtʉp poder as̈am león. Mit je' pichin Judá ifamiliani'c mit je' pichiney David ifamiliani'c. Je' vencia̱tway mit oyap igui-awa'ts ayé noc, mit oyap iguichi'tcʉs̈a ayé siete sellujat itunu'jcaway.