Popular Bible Verses from Gálatas 6

શેર કરો

Naganicansá̱tcʉjʉ nas̈watcawa'n jeme oyway, ni'c itiempuni'c nacosecha̱tcáj te nagadesmaya̱tcap.

Cuandu i-oyawa'n, nawátcaja oy nu'pʉjʉn jayajwat, mit más nawátcaja oy jeme cupʉjcapay.

Nimájyigʉjʉ cuandu is̈tunas̈cawa'n, mit wename incumplia̱tcáj ayé namay ley iyacway Cristu.

Pi is̈cawe̱jta̱jcac nepʉn: Dios ca-oyap nas̈tus̈í̱jca. Ni'c lo que ini'pámpay tu'c jayau, ayé icosecha̱táj.

Jeme iwatpay lo que iwampay icuerpu, togoyáj. Po jeme iwatpay lo que iwampay Espíritu Santu, ayé Espíritu iguimo'áj vida cacʉs̈ámpay.

Hermanujat, te tu'c jayau iguimijnap de repente tu'c mal pa ica'wa'n, mijchat inmuyo'ygapay Espíritu Santu pi ajca's̈ʉ'jca, mit camnimʉjninʉmgʉjʉ. Mejor nicuidá̱tcʉjʉ pi is̈catenta̱tcaguey.

Ni'c jeme inʉmpay ni'c je' mʉjayau mit caje' neti, je'yu niwe̱jtʉp. Po cada jayau ma e'p ti iwatámpay je'yu, mit we'n ji'gáj ijo̱jt, mit igapʉgáj fama de jatu'c jayau. Ni'c cada jayau imunʉs̈áj je'yu itsʉm.