Popular Bible Verses from Йохан 19

શેર કરો

Исус тер чаһриг амсад, келв: – Күцв! Эн үгмүдин хөөн Терүнә толһань өрч деернь унад, әмнь цогцасн һарв.

Исус цуг юмиг күцәгдсинь медлә, тегәд Бурхна Бичгиг бүклднь күцәхин төлә Тер келв: – Би ундасҗанав.

Исус эврәннь экән болн хаҗуднь зогссн дурта сурһульчиг үзв. – Аак, эн чини көвүн, – гиҗ Исус экдән келв. Эврәннь сурһульчдан Исус: – Эн чини экчнь, – гив. Тер өдрин хөөн сурһульч Исусин экинь герүрн авв.

Тедн Исусур өөрдлә, Исус әмн уга бәәҗ, тер учрар тедн Терүнә көлинь хамхлсн уга. Зуг нег цергч җидәр Исусиг хәврһәрнь шаав, цусн усн хойр Исусин цогцас асхрв.

Бурхна Бичгин «Терүнә нег чигн ясн хуһршго» гисн үгмүд күцхин төлә цуг эн йовдл учрв. Бичгт дәкәд нег халхд бичәтә билә: «Тедн шаагдсн күүнүр хәләх».

Тедн Исусиг авад йовцхав. Эврәннь кирсән авад, Исус Һавлын орм тал йовв. Еврей келәр Голгот гидг һазр бәәҗ.

Цергүд хатхдг көглин ацмудар титм гүрәд, Исусин толһа деернь өмскв. Дәкәд тедн улан лавшг Терүн деер хаяд