Popular Bible Verses from ಮತ್ತಾಯ 26

શેર કરો

ನಿಂಗ ಪರಿಕ್ಷೇಕ್ ಒಳಪಡತನೆಕೆ ಎಚ್ಚರ ಎಡ್‍ತಂಡ್ ಪ್ರಾರ್ಥನೆ ಮಾಡಿ; ಆತ್ಮಕ್ ಕುಶಿ ಉಂಡ್ ಆಚೇಂಗಿ ತಡಿ ತಳ್ಂದಿತ್ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಯೇಸು ಅಯಿಂಗಕ್: ನಾನ್ ಚಾವ್‍ರ ನೊಂಬಲತ್‍ರಚ್ಚಕ್ ನಾಡ ಆತ್ಮ ದುಃಖಪಟ್ಟಂಡುಂಡ್. ನಿಂಗ ಇಲ್ಲೇ ಇಂಜಿತ್ ವರಿಯತೆ ಎಚ್ಚರವಾಯಿತಿರೀಂದ್ ಎಣ್ಣಿತ್

ಚೆನ್ನ ದೂರ ಪೋಪಂಜಿ, ಅಂವೊಂಡ ಮೂಡ್‍ನ ಅಡಿಕ್ ಮಾಡಿತ್ ಮೊಣಕಾಲ್ ಇಟ್ಟಂಡ್: ಓ ನಾಡ ಅಪ್ಪನೇ, ನೀಕ್ ಕಯ್ಯುವೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ, ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಇದ್, ಪಾಪಕ್ ಮನ್ನಿಪ್ ಕ್‍ಟ್ಟ್‌ವಕ್, ದುಂಬ ಜನಕಾಯಿತ್ ಬೂಕ್‌ವ ಪುದಿಯ ಒಪ್ಪಂದತ್‍ರ ನಾಡ ಚೋರೆಯಾಯಿತುಂಡ್.

ಅಯಿಂಗೆಲ್ಲಾರು ಉಂಬಕಾಪಕ, ಯೇಸು ಒಟ್ಟಿನ ಎಡ್‌ಪಂಜಿ, ದೇವನ ತುದಿಚಿತ್, ಪೊಳಿಪಂಜಿ ಶಿಷ್ಯಂಗಕ್ ಕೊಡ್‌ತಿತ್: ಇದ್‍ನ ಎಡ್‌ತ್‌ ತಿನ್ನಿ, ಇದ್ ನಾಡ ತಡೀಂದ್ ಎಣ್ಣ್‌ಚಿ.

ಅಲ್ಲಿಂಜ ಅಂವೊ ದ್ರಾಕ್ಷಿರಸ ಉಳ್ಳ ಪಾತ್ರತ್‍ನ ಎಡ್‌ಪಂಜಿ ದೇವನ ತುದಿಚಿತ್ ಅಯಿಂಗಕ್ ಕೊಡ್‌ತಿತ್: ನಿಂಗೆಲ್ಲಾರು ಇದ್‍ಯಿಂಜ ಕುಡಿಯಿರಿ

ಅಲ್ಲಿಂಜ ಅಂವೊ ಶಿಷ್ಯಂಗಡ ಪಕ್ಕ ಬಾತ್. ಅಯಿಂಗ ವರಿಯಂಡಿಂಜಾನ ಕಂಡಿತ್ ಪೇತ್ರಂಗ್: ನಾಕಾಯಿತ್ ಒರ್ ಗಂಟೆ ವರಿಯತೆ ಇಪ್ಪಕ್ ಕಯ್ಯುಲೆಯಾಂದ್ ಎಣ್ಣ್‌ಚಿ.

ನಾನ್ ಪರಲೋಕ ರಾಜ್ಯತ್‍ಲ್ ನಿಂಗಡ ಕೂಡೆ ಪುದಿಯ ದ್ರಾಕ್ಷಿರಸತ್‍ನ ಕುಡಿಪಕತ್ತನೆ ಇಂಞು ಮಿಂಞಕ್ ಈ ದ್ರಾಕ್ಷಿರಸತ್‍ನ ಕುಡಿಪ್‌ಲೇಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಕ್ಕ ಪೇತ್ರಂಗ್: ಮಲ್ಲಂಗೋಳಿ ಕೂವಕ್ ಮಿಂಞ ನೀನ್ ನನ್ನ ಗೊತ್ತ್‌ಲೇಂದ್ ಮೂಂದ್ ಕುರಿ ಎಣ್ಣುವಿಯಾಂದ್ ಯೇಸು ಎಣ್ಣ್‌ನದ್ ಗೇನ ಬಾತ್. ಅಂವೊ ಪೊರಮೆ ಪೋಯಿತ್ ದುಂಬ ಬೇಜಾರತ್‍ಲ್ ಮೊರಟತ್.

ಏಳೀ, ನಂಗ ಪೋಕ, ನೋಟಿ ನನ್ನ ಪುಡ್‌ಚಿತ್ ಕೊಡ್‍ಪಂವೊ ಇಕ್ಕಲೆ ಬಾತ್‍ೕಂದ್ ಎಣ್ಣ್‌ಚಿ.

ಅಕ್ಕ ಯೇಸು ಅಂವೊಂಗ್: ನೀಡ ಕತ್ತಿನ ಅದ್ಂಡ ಕೊತ್ತೆಲ್ ಇಡ್. ಎನ್ನಂಗೆಣ್ಣ್‌ಚೇಂಗಿ ಕತ್ತಿನ ಎಡ್‍ಪಯಿಂಗ ಕತ್ತಿಯಿಂಜಲೇ ಚಾವಾಂದ್ ಎಣ್ಣ್‌ಚಿ.