Matyu 26 માંથી લોકપ્રિય બાઇબલ વચનો

Nyi swan cham. Nyi bu naai A̱gwaza, kalak nyi ba̱ kwa di̱n jen mak ji. Mat, fwuo hu chat nyia̱ kyang ku myim a̱ni. A̱wot vam hu swan ma̱ bobwot a̱bwot di̱ nyia̱ hu!”

A̱jawa Yesu si̱ nyia̱ ma̱ng a̱mba, “N shya̱ mi̱ fwuo byian ba̱t, á ngyei n na nkhwu. Nyi swan a̱ji cham, nyi yok kai nda bah.”

A̱ si̱ doot mba a̱ ghwon. A̱ si̱ laai neap ti̱taa, a̱ si̱ kpaat a̱khwukhwut a̱ta̱gurup a̱ghyi ba a̱byin, a̱ si̱ naai A̱gwaza nyia̱, “A̱tyia̱ nung wu! Ka̱ ku myim ang, ti̱n nung a̱kashyi swuo a̱bung wuni! A̱mgba̱m ma̱ng a̱nia, yok nyia̱ kyang hu nang n chat wa a̱ni bah. Nyia̱ kyang hu ku myim ang wa a̱ni!”

Di, a̱sa̱khwot sum a̱na̱p na yet kidee a̱sok nung nia. Na̱ yet a̱si̱ nang nda̱p a̱li̱ka̱uli, nang á̱ neap na̱ yet za̱nang chi a̱ka̱tuk nyia̱ á̱niet ma̱ a̱di̱di̱t a̱ni.

Nang ba̱ nshya̱ di̱ ya kyayak hu a̱ni, Yesu si̱ kyiak burodi sang yit wu, a̱ si̱ gwai A̱gwaza. A̱ si̱ kpa̱ra̱m burodi wu di̱ gbi̱ngba̱ra̱m, a̱ si̱ nwuak mman ta̱m nggu na, nyia̱, “Nyi ngga, nyi ya, mat kidee vam nung ji jaji.”

Ma a̱nia wa, a̱ si̱ kyiak a̱sa̱khwot sum a̱na̱p na ma̱ a̱kashyi wu, a̱ si̱ gwai A̱gwaza a̱ si̱ nwuak ba nyia̱, “Kuzang a̱yin ma̱ nyin gu swuo ma̱ a̱kashyi a̱ni.

A̱jawa Yesu si̱ bwuok a̱ ba̱ shya̱ nang mman ta̱m nggu na khat nda. A̱ si̱ lyip Bitut, nyia̱, “Nyi khat nda nia kee? Nyi si̱ mi̱n swan cham ndung ma̱ng a̱nung, da̱ a̱bada̱dei njen ma̱ chunchwiit baa?

N tak ma̱ng a̱nyin a̱tsak a̱lyiat, n bu si̱ mi̱n swuo a̱sa̱khwot sum a̱na̱p nani bah, si̱ a̱tuk nang n bye nswuo na a̱fai dundung ma̱ng a̱nyin mi̱ Tyok A̱tyia̱ nung hu a̱ni.”

A̱jawa Bitut si̱ kin jhyung a̱lyiat nang Yesu ku hyia̱ ma̱ng a̱nggu a̱ni, nyia̱, “A na fwuo lyen nung a̱ka̱tat, a̱gbak a̱ sii du tyiap.” Bitut si̱ ghwut nta didyaat gaat hu. A̱ si̱ ta̱bat a̱nak, a̱ si̱ twei ba̱t ma̱ng a̱lyia̱ byian.

Nyi doot, zi̱ chong! Di, a̱tyu lyap nung wu wa wu!”

Yesu si̱ nyia̱ ma̱ng a̱nggu, “Bwuok ma̱ng tswat ang ji, tyia̱ mi̱ kwa nji hu! Mat konyan wa khwat tswat a̱ si̱ nyia̱ ta̱m ma̱ng a̱nji a̱ni, jija na yet jat a̱khwu nggu.