Popular Bible Verses from 2 Korint 6

શેર કરો

Ikoso 'ali 'amu 'ado ruru failia ioli iko 'ali gera fakwalaimoki ala Jesus Christ gi. Sulia ioli 'e io rada failia ioli iko 'ali io rada, daro mamata sui. Ma madakwana 'e 'ato ka io ruru failia maerodo.

Ma Luma Abu God, iko 'ali 'oka fala ta ioli 'ali foasia lului 'are gi lou 'i laola. Ma 'i gia ioli fakwalaimoki gi, gia malaa luma abu God. Sulia God ba 'e sae 'uri 'e, “Lakae io failia ioli lau gi. Ma lakae la kwai liu 'i safitada. Ma 'i lau lo God gera, ma 'i gera ioli lau gi.”

Ma Aofia ka sae lou 'uri 'e, “'Amu ka io atale 'amiu faasia ioli 'e iko 'ali gera fakwalaimoki gi, ma 'amu ka tafisida. Ma ala ikoso 'amu taua 'are bulibuli ta'a gi, 'urila lakae alafafi 'amiu. Ala 'amu tau 'urifo, lakae Mama 'amiu, ma 'i 'amiu wela lau gi. 'I lau, Aofia nanata ka tasa, lau sae 'uri'e.”

Ma Jesus Christ failia Saetan, 'ato 'ali daro ka alua teke malata. Ma ta ioli 'e fakwalaimoki ala Jesus Christ, iko 'ali totolia 'ali kae galo ruru failia ioli 'e 'e'ela 'alia Jesus Christ.