Popular Bible Verses from Semtilbu 11

શેર કરો

Chuin Pakaiyin, Veuvin, mihohi pumkhat le paokhat ahiuvin; chule hichehi amahon abol patnu ahitai: chule tu-a amahon boldinga alunggotnu chu imachan asuhtang loudiu ahi. Hungun, eiho kumsuh-u hitin, khatnin khat thusei ahetmo na diuvin, khu kom akhun apaovu gasucheh uhite, ati.

Chuin amahon, Hungun, eihon eiho dingin khopi khat le insang tah khat, aleh van ho sunphan sao hitin; chule iminu thansah-u hite, achuti louleh eiho vannoi leiset pumpi-ah kithecheh getnu hite, atiuve.

Hijeh chun chukom mun chu Babel asah taove; ajehchu chukom munna Pakaiyin vannoi pumpi pao asuhcheh-a; chule chukoma kona chu Pakaiyin amaho chu vannoi leiset pumpi-a athecheh ahi.

Chule vannoi leiset pumpi chun paokhat hamkhat athouvin ahi.

Chuin mihem chate khopi leh insang sah chu ve dingin Pakai chu ahung kum lhan ahi.

Chuti chun Pakaiyin amaho chu chua kon chun vannoi leiset pumpi chungah akhenchehtan ahi. Chuin amahon akhopi sah-u chu adalha taove.