Popular Bible Verses from Mat. 7

શેર કરો

“Ma sumi Koosa di o nyɛ ma kundɔŋ o zi nyɛ mau. Ma daŋni kundɔŋ, o wati ma zi na unu. Ma yir un o zi wa puk zɔɔnɔu ma zu o wati.

Nara maga sumi Koosa di o nyɛ ba kundɔŋ, o zi nyɛ bau. Nara maga la daŋni kundɔŋ o wati, ba zi na au. Ba yir un, o zi wa puk zɔɔnɔu ba zu o wati.

“Nara maga nu mu sɛm na aa tiŋ a, ba waa chi nibin nɛɛgi naa funɛ sa o dama a zɔŋ gbɛntɛl nyuhu ni chen.

“Ma tum wɛ were a nyɛ ma dɔŋtim ni a chi chenani maa daŋni ba tum kinyɛ ma. Ma kpa chenani Ju tim chiksɛ wa Koosa witinsa maga biksi nara a lagmi dɔŋ ni a mun chen.”

Ma ta tiŋi a chi ba. Ma ka tiŋ nyinbaan wewe naa tiŋi bɔmɛɛ. Nara tama val dooni. Ba wa tel o bɔ, Koosa zi wa nyɛ ba o mi faliu.”

“Ma nyɛni chi vallɛ. Nyinbaan pɛnpɛni ti tiŋi wa bɔm. Chendaha nidamata tiŋ un. Ba wa tel o bɔ, Koosa zi wa chɔk bau.

Ma ya nibin tagna, amaa ma zim chenani ma zi kpa kiwere a nyɛ ma bisi ni. Ma kunyan Koosa naa nyɛn o tɔha ti ni, waa kaali ma a la kpa wu were a nyɛ ba naa la sumi un ni.

“Ma ta na ma dɔŋtiina galimsa, chen ni Koosa gbanko wa zi na ma galimsa. Chenani ma tum a nyɛ ma dɔŋtim ni, Koosa gbanko zi tum chenu a nyɛ ma. O zi tiŋ chen nyinbaanu a chi chenani maa tiŋ ma dɔŋtima chen.

“Nara maga nu mu sɛm na a vɛ tiŋ a, ba waa ka chi nibin wom naa funɛ sa o dama a zɔŋ hɛɛra daha ni chen.

O chi danugil nyɛn ma dɔŋtim se ni ka dagume nyɛn ma se ni. Yɛrɛ ma kaa ya a na danugil ti ma dɔŋtim ta se ni? Yɛrɛ ma ya a ŋɔ ma dɔŋtim ta ni, ma nyɛ ya lisi danugil ti a ta ma se ni ka ma kpak dagume a li ma se ni?

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa. Ba tum nɛɛ ma zi zim ba. Koom bugil wara nɔn soom nɔna. Kpaglim bugil wara nɔn maŋgo nɔna.

Bugil weri la nɔn nɔn were. Bugil tagin ka nɔn nɔn tagna.

Bugil weri wa kinɔn nɔn tagna. Bugil tagin wa kinɔn nɔn were.

Bugil naa vɛ nɔn nɔn were, ba yaa teŋ unu a dau a suk din du un ni.