Popular Bible Verses from Noo Mian 13

શેર કરો

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead‐filley, paart three‐feed, as paart jeih fillaghyn as feed.

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Agh eshyn ghow yn rass ayns ynnydyn claghagh, shen eh ta clashtyn y goo, as jeeragh lesh boggey dy ghoaill eh: Foast cha vel fraue echey ayn hene, agh t’eh cummal rish son tammylt: agh tra ta seaghyn as tranlaase cheet er, er coontey yn ghoo chelleeragh ta e chredjue failleil.

Reesht ta reeriaght niau goll‐rish berchys follit ayns magher: yn verchys cheddin tra ta dooinney dy gheddyn magh, t’eh dy choodaghey eh, as ayns boggey jeh t’eh goll as creck ooilley ny t’echey, as kionnaghey yn magher cheddin.

Agh huitt cooid elley jeh ayns thalloo mie, as dymmyrk eh mess, paart keead‐filley, paart three‐feed‐filley, as paart jeih fillaghyn as feed.

Lhig‐jee daue ny‐neesht gaase cooidjagh derrey’n fouyr: as ayns earish yn ouyr jir‐yms rish ny beayneeyn, Chymsee‐jee cooidjagh hoshiaght yn coggyl ayns bun‐neeyn ry‐hoi lostey; agh tayrn‐jee yn churnaght stiagh ayns my hoalt.