Popular Bible Verses from Noo Mian 10

શેર કરો

Cur‐my‐ner ta mish dy choyrt shiu magh myr kirree mastey moddee‐oaldey: Bee‐jee er‐y‐fa shen tastagh myr ard‐nieughyn, as ôney myr calmaneyn.

Eshyn ta aggindagh e vioys y hauail, caillee eh eh: agh eshyn chaillys e vioys er my ghraih’s nee eh eh hauail

As ny bee aggle erriu rouesyn varrys y corp, agh nagh jarg er yn annym y varroo: agh bee‐jee ayns aggle smoo roishyn oddys annym as callin neesht y stroie ayns niurin.

As eshyn nagh jean e chrosh y ymmyrkey, as geiyrt orrym’s, cha vel eh feeu jee’m.

Quoi‐erbee er‐y‐fa shen ghoys rhym’s kiongoyrt rish deiney, goym’s rishyn myrgeddin kiongoyrt rish my Ayr t’ayns niau. Agh quoi‐erbee obbys mish kiongoyrt rish deiney, eshyn neem’s myrgeddin y obbal kiongoyrt rish my Ayr t’ayns niau.

Slaanee‐jee sleih chingey, glen‐jee ny louranee, jean‐jee ny merriu y aa‐vioghey, as drogh‐spyrrydyn y chastey: nastee ta shiu er gheddyn as dy nastee cur‐jee veue.

Ny bee‐jee shiuish er‐y‐fa shen ayns aggle, ta ny smoo dy ve soit jiuish na jeh ymmodee sperriu.

Ny smooinee‐jee dy daink mish dy chur lhiam shee er y thalloo: cha daink mee dy chur lhiam shee, agh cliwe.