Popular Bible Verses from Jannoo 9

શેર કરો

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

As huitt eh gys y thalloo, as cheayll eh coraa gra rish, Saul, Saul, cre’n‐fa t’ou jannoo tranlaase orrym? As dooyrt eh, Quoi oo, Hiarn? As dooyrt y Chiarn, Mish Yeesey t’ou jannoo tranlaase er: S’doillee dhyt brebbal noi ny jilg.

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo. As chelleeragh huitt veih ny sooillyn echey myr dy beagh eh scaailley; as hooar eh ec y traa cheddin e hoilshey, as dirree eh, as v’eh er ny vashtey.