Tito 2 માંથી લોકપ્રિય બાઇબલ વચનો

Kixin Díos kjua̱ko̱xi̱n nkexrín imá tjue̱he chꞌan ti jeheni la kjuajon chꞌan ti kjuachón kixin jehe chꞌan mé tsaáxin kaín chojni. Tja̱ko̱he̱ chꞌan ti jeheni nkexrín chrókuíto̱heni ti ijie̱ la ko kaín ti nkehe nduáhya tjenka̱yáxini. La jína chrókꞌuejóni la ko a̱ntsí chrókjuikosáyeheni Díos.

Kja̱xin chrókóchéhe̱ni chrókꞌuejóchóheni ti ña̱o itsi Jesucristo, ti Díos kuènténi la ko ti nkexro tsaáxini, tsji̱ka̱o ti kjuachaxin ijié. *Jehe chꞌan mé kꞌuenyákohe̱n chꞌan ti jeheni kixin tsaáxini chꞌan kixin tso̱tjuáxin kaín ti ijie̱ chóntani kixin tsꞌónani ijnko chjasin kuenté chꞌan la ko tso̱xrínhi̱ni sichꞌeni kaín ti ixra̱ jína tjinkaon chꞌan.

Jaha chrókjuákohé sin kaín ti nkehe jína la ko ndoá chrókꞌuejó sin. Chrónixja ti nkehe jína kixin kohya nkexro chrókꞌuándaxíha̱n, la xi̱kaha chrókósuéhe̱ ti sin nínkaon, la chróndáchehya sin nkehe jínahña ti jeheni.