Romanos 12 માંથી લોકપ્રિય બાઇબલ વચનો

Méxra̱ í chrókjanhñara chróxraxinkáonra ti nkehe siín chjasintajni. Náhí. Chrokui̱to̱héra ti nkehe nduáhya tjénka̱yáxinra kixin ndá jína chrókꞌuejora. Ndá xi̱kaha chrókónohara ti nkehe tjinkaon Díos kixin ndoá la ko jína chrókꞌuejora éxi tóxríhi̱n chꞌan.

Méxra̱ jahara kíchóni, xrja̱noáhára kixin jahara chrókóchjinehéra Díos, chróchje̱héra chꞌan ti cuerpo kuèntára éxi ti nkehe tjechón la ko tjóá tsꞌáyéhe̱ Díos kixin xi̱kaha tóxríhi̱n Díos kixin jehe chꞌan kui̱konoáhara chꞌan. Tíhi mé ijnko nkehe chaxín ndoá chróchje̱héra Díos kixin xi̱kaha tsjíkosáyehéra chꞌan.

Chrókócháhara kixin tjejocho̱hénra ti nkehe náxrjón itsi, la ko chrókónínkákonhñara kjónté chrókui ijnko nkehe chrókjuasótexínra la ko chrókui̱to̱éhyara chrónixjehéra Díos.

Chrokui̱to̱éhyara kixin chrókjuacha ti nkehe jínahña chrókꞌue̱tua̱hanra. Náhí. Ícha jína chrókjui̱chꞌera ti nkehe jína kixin chrókjuachahya ti jínahña chrókjuitꞌayahara.

Chrotjue̱héra kichuara kixin tinkachónkira Ìnchéni la ko chaxín chrókjuíkosáyehéra kichuara.

Kaín a̱sánra chrótjue̱héra kichuara. Chrokui̱to̱héra ti nkehe nduáhya tjénka̱yáxinra la chrókjuénka̱yáxinra kaín ti nkehe jína.

Chrokjuéyára nkojína chrókꞌuejora. Ti chrókjuachara, la kjuaxróxin chrókꞌuejora kaínra.

*Jahara kíchóni, chrókjui̱nchekjasótehyara ti sin ichrén nkehe kjuitꞌahara. Ti̱to̱héra kixin Díos sinchekjasóte ti sin a. Ndáchro ti xroon itén Díos kixin: “Janhan si̱ntaki̱to̱axian ti iji̱é chojni la ko tsjénka̱ha̱ sin, mé xi̱kaha ichro Díos.”

Chrokꞌóxrjéhyara, la ko chrókósáhyara, chrókjui̱chꞌehéra ti ixra̱ kuènté Ìnchéni kaín a̱sánra.

Kjuasáye Díos kjuajon ti ixra̱ tjétꞌa̱, la nixjahára kaínra kixin chrókjuénka̱yáxinhñara kixin imá tjetoanra. Náhí. Chrokjuénka̱yáxinra jína éxi ti kjuachaxin tjáhara Díos éxi nkexrín tinkachónkira Cristo.

Chrokjui̱chꞌehyara ijnko nkehe jínahña ti sin kjuitꞌahara ichrén nkehe jínahña. Ícha jína chrókjuáko̱xinra ti nkehe jína kixin xi̱kaha chrókꞌuikon kaín chojni.

*Kjuaxróxin chrókꞌuejora. Chrokjui̱nchenkehyara. Náhí. Ícha jína chrókóyóha̱ra éxi ti sin nchenkehya la ko chróndáchrohyara kixin jahara imá nohara.

*Kja̱xin ndáchro: “Ti sin nínkakohanra la, ti ikꞌuén sin kjinta la chróchje̱héra sin nkehe chrókjonie sin, la ko ti ikꞌuén sin ìnta̱, la chróchje̱héra sin nkehe chrókꞌui sin. Ndá ti xi̱kaha si̱chꞌera, la jehó sin sinchesuéhe̱ sin a̱sén sin kixin ti nkehe nduáhya kjuitꞌahara sin.”

*Tjanchehéra Díos kixin sincheñao chꞌan ti sin nínkakohanra la ko tsjinki̱tsa chꞌan ti jehe sin la tjáncháhyara kixin tsjasóte sin. Tócháha̱ra kja̱xin ti tjejó ti sin chéhe̱ la ko ti tjejótsjánka sin la kja̱xinra tsja̱nkara.

Chrokjuínki̱tsara ti sin tinkáchónki Ìnchéni ti tichánxi̱hin sin nkojín nkehe. Nkojína chje̱héra kjuachaxin tsꞌejó ti sin tsjinixja̱hara.

*Mé xi̱kaha ijnko cuerpoé chojni la nchónhña ti síkjoxixín chónta, kjánchó nkokónhña ixra̱ ichꞌe. Mé xi̱kaha ti jeheni, kjónté nchóhñani la tsꞌónani éxi nkoko̱a cuerpo kuènté Cristo. Mé xi̱kaha nkoko̱a chrókjuénka̱yáxini kixin ó kꞌónani nkoko̱a cuerpo.