Mateo 16 માંથી લોકપ્રિય બાઇબલ વચનો

*Ndá chꞌin Jesús nixje̱he̱ íso ti sin kꞌuájiko, la ndáchro: ―Ti nkojinra tjinkáonra tsochrehéra ti janhan la ticháxi̱n tsi̱to̱héra kaín ti nkehe tjaké a̱sánra, la tsamára ti ntacruz kuèntára, ndá tsochrehéra ti janhan.

Méxra̱ ndáxrja̱n kixin jaha mé Pedro mé tꞌaxrjexín kixin tíha ijnko “ixro̱”, la chritaón ti ixro̱ mé si̱tꞌána ti ni̱nko kuénta̱na, la ti kjuachaxin kuènté ti kjuachꞌén la tsjachahya sinchekꞌitjáña.

*La tsotjahá ti llave kuènté ti kjuachaxin nkaya nka̱jní, la kaín ti nkehe tsjájonhña kjuachaxin tso̱hen chjasintajni la kja̱xin nkaya nka̱jní tsochóntahya kjuachaxin tso̱hen. A̱ndá kaín ti nkehe tsjánjua kjuachaxin tso̱hen ntihi chjasintajni la kja̱xin nkaya nka̱jní siín kjuachaxin tso̱hen.

*Kixin ti nkexro tjinkaon sinchekaá a̱sén la sinchekꞌitjáña sin. A̱ndá ti nkexro hasta chrókjuinchekꞌitjáña a̱sén kixin tinkáchónki ti janhan mé tsaá sin.

¿Nke tso̱hen chrókjuachara chróchontara kaín ti nkehe siín chjasintajni, ndá chrókjui̱nchekꞌitjáñara ti kjuachón? ¿O̱ nkehe chrókjuènkara kixin chróchontara ti kjuachón?

Ndá ndáchro chꞌin Jesús: ―A̱ndá jahara, ¿nkehe ichrora, nkexro ti janhan? ―ichro chꞌan. *A̱ndá chꞌin Simón Pedro kjuáte̱he ndáchro: ―Jaha mé ti Cristo ti Xje̱en Díos tjechón ―ichro chꞌan.

Ndá kjuáte̱he chꞌin Jesús, ndáchro: ―Díos sincheñao ti jaha, Simón xje̱en Jonás, kixin nijnko chojni kjua̱ko̱ha tíha. Jehó Tꞌaná itjen nkaya nka̱jní mé kjua̱ko̱ha.