Popular Bible Verses from San Juan 19

શેર કરો

Ndá chꞌin Jesús ikꞌui ti xranvino isán la ndáchro: ―Ó kjuixin xiteyá kaín nkehe. Ndá kꞌuisén ikja chꞌan la ikꞌuén chꞌan.

*Ndá ti ó kjuixin tíha la chꞌin Jesús ó nohe kixin kaín ixra̱ la ó kjuixin xiteyá, ndá tjinkaon chꞌan kixin tsoxiteyá kaín ti nkehe ndáchro ti xroon tsíkjin sin ósé, ndá xi̱kaha ndáchro chꞌan: ―Ikꞌuén ìnta̱.

A̱ndá ti ó kꞌuíkon chꞌan kixin ntiha itjen ti ìñé chꞌan la ko ti chꞌin imá tjue̱hé chꞌan kuékꞌajiko chꞌan, la ndáche chꞌan ti ìñé chꞌan: ―Ìñéni, tsjehé méhe̱ itjen ti xja̱an. Ndá kjuixin la nixje̱he̱ chꞌan ti nkexro tjue̱he chꞌan, ndáchro chꞌan: ―Tsjehé, méhe̱ itjen ìná. A̱ndá ti nkexro a mé sákjuíko chꞌan ndo̱e chꞌan ti tjan María la kꞌuayakohen chꞌan éxi ìñé chꞌan xi̱kaha.

Ndá ti ó kóchjina sin ti itjen chꞌin Jesús, la kꞌuíkon sin kixin ó tsikji̱xi̱n tsíkꞌen chꞌan, ndá í kꞌóchjejinhña sin to̱té chꞌan. Ndá ijnko soldado mé chrꞌáte ijnko chika iyo ti chjia chꞌin Jesús ndá tuénxín kꞌuaxrje ijni̱ la ko ìnta̱.

*Mé xi̱kaha kóhen kixin xiteyá ti nkehe ndáchro xroon itén Díos tsíkjin sin ósé ndáchro: “Kꞌóchjejinhña sin ninkehó huéso̱e chꞌan.” *Kja̱xin íjnko nketí nixja ti xroon itén Díos tsíkjin sin ósé ndáchro: “Tsokomá sin ti nkexro tsíkjiate chika ti chjia.”

Ndá sákjuíko sin ti chꞌin Jesús yámá ti ntacruz tsjakꞌenkáni. Ndá kjuíjiko sin chꞌan ijnko itjo̱ ti̱ki̱texín sin Hueso ikja chojni, mé ngiva hebreo la nchekꞌin sin Gólgota.

Ndá ti sin soldado mé kjuíchꞌénaxín sin ntachꞌi̱ ijnko corona la kjua̱kꞌe̱nka̱ya sin ikja chꞌin Jesús la ko kjuínchekꞌinkáya sin chꞌan ijnko ika kjátsetié.