Hechos 16 માંથી લોકપ્રિય બાઇબલ વચનો

Ndá kjuáte̱he sin ndáchro sin: ―Titekaoan Ìnchéni Jesucristo la tsaá jaha la ko kaín ti sin tjejó ndo̱a.

A̱ndá ti ó kꞌaxrotjen la chꞌin Pablo la ko Silas nixje̱he̱ sin Díos la ko itsje sin himno. La ti íso sin tjejóchjina la tjejótihin sin, ndá xrína̱hña imá kꞌuínki nonte la kjuínchekꞌinki kuenté ti xránkíxixín ndo̱echjiso, la tuénxín xitje̱he̱ kaín puerta la ko kꞌuánótjen ti cadena síchróntetoxín kaín ti sin tjejóchjina.

Ndá tuénxín kuakitsjexín chꞌan sin ntiha la kjuanchankí chꞌan: ―¿Xá nkehe chrókjui̱tꞌa ndá chróchonta ti kjuachón?

Ndá ti nkexro tꞌayakohen ti ndo̱echjiso mé kꞌuàya chꞌan la ti ó kꞌuíkon chꞌan kixin tsíxitje̱he̱ ti ndója ndo̱echjiso, la kuakitsje chꞌan ti espada kuènté chꞌan la chrókꞌóñá chꞌan a̱sén chꞌan kixin kjuénka̱yáxin chꞌan kixin ó tsíkinká kaín ti sin síchjina. A̱ndá chꞌin Pablo kꞌuéya, ndáchro: ―Náhí, chꞌehya xi̱kaha; kaíni tjejóni ntihi ―ichro chꞌan.