Díos la imá jína tjenka̱yáxin la chrꞌéxi̱n sinchekjasóte chꞌan ti sin tjejónchekjasóte ti jahara ijie. Ndá tsjajon chꞌan kjuachaxin kjuaxróxin tsꞌejora kixin ó kjuixin kjuasótiara, la ko kja̱xin jeheni kjuaxróxin tsꞌejóni ti ña̱o itsi Ìnchéni Jesús tsꞌinkaji̱xi̱n chꞌan nka̱jní la ko kaín ti sin ángel kuènté chꞌan chónta nchónhña kjuachaxin itsi chrꞌikjan xrohi.
