Popular Bible Verses from 1 Timoteo 2

શેર કરો

Kixin nkoko̱a Díos itjen la ko nkoko̱a nkexro tsonixjayákohe̱n ti jeheni kixin jína tsochóxini Díos. Tíha mé Jesucristo kꞌóna chojni chjasintajni. Jehe chꞌan mé kjuajon chꞌan a̱sén chꞌan, ikꞌuén chꞌan la xi̱kaha kjue̱nka̱ chꞌan ti iji̱éni kixin kaíni tsochóntani ti kjuachón nkochríxín. Tíha mé xiteyá ti ña̱o kjuénka̱yáxin Díos tso̱hen.

Tjáncháhára kixin chrónixjehéra Díos la ko chróchronoéhéra chꞌan la ko chrókjuanchehéra chꞌan la ko chróchje̱héra chꞌan kjuasáya. Chrokjuanchehéra Díos kixin tsjinki̱tsa chꞌan kaín ti gobierno la ko kaín ti sin tꞌe̱to̱an nkojnko chjasin kixin xi̱kaha kjuaxróxin chrókꞌuejóni la ko sinchexiteyéheni Díos la jína chrókjuénka̱yáxini.

Méxra̱ tjínka̱oan kixin kaín ti sin ndoa mé chrónixje̱he̱ sin Díos la chrókjua̱ya̱ sin itja sin kaín a̱sén sin, la ko chróchóntahya sin ninkehó kjuanínkaon la ko chrókꞌuándaxiénhña kícho sin. *A̱ndá ti chojnichjin la yóxin chrókꞌuítsa sin, jehya ika imá na̱jni, la ko chrókjuinchenkehya sin, la ti ka̱xi̱hí sin la chrókjuasichóntahya sin nkehe imá tjete, chróchóntahya sin oro o̱ ixro̱ perla o̱ nkehe imá tjete. Ícha jína a̱ntsí chrókóxakohen sin chrókjuíchꞌe sin ti ixra̱ jína éxi kjuíchꞌe kaín ti chojnichjin kjuínchetjóá Díos.